اقتوبەلىك «ەڭبەك» مەملەكەتتىك باعدارلاماسىنىڭ ارقاسىندا كاسىبىن باستادى

ەكى بالانىڭ اكەسى ورىنباسار سۇيىنباەۆ وتباسىن تۇراقتى تابىسپەن قامتاماسىز ەتۋ ءۇشىن بيزنەسپەن اينالىسامىن دەپ شەشتى. ول ءۇشىن ول وزىنە تانىس باعىتتى تاڭدادى.

«مەن بۇرىن جالدامالى جۇمىسشى ەدىم, ال دەمالىس كۇندەرى تانىسىممەن تەرەزەلەرمەن اينالىستىم. سودان كەيىن تانىسىم كوشىپ كەتىپ, مەن ءوزىمدى جاڭا دەڭگەيدە سىناپ كورۋدى شەشتىم. «ەڭبەك» مەملەكەتتىك باعدارلاماسى ارقىلى قولداۋ العان كوپتەگەن ادامداردى بىلەمىن, سوندىقتان دا بايقاپ كورۋ كەرەك, تاۋەكەلگە بارۋ كەرەك دەپ ويلادىم», دەدى ول.

ول ءوزىنىڭ بۇرىنعى ارىپتەسىنىڭ شەبەرحاناسىنان بيزنەس جۇرگىزۋگە ارنالعان جابدىقتاردىڭ ءبىر بولىگىن ساتىپ الدى, بىراق بۇل جۇمىس ءۇشىن جەتكىلىكسىز بولدى: بىرقاتار مانيپۋلياتسيالار بويىنشا باسەكەلەستەرىنە جۇگىنۋگە تۋرا كەلدى. بۇكىل وندىرىستىك پروتسەستى ءوز بەتىنشە جولعا قويۋ ءۇشىن سۇيىنباەۆ «ەڭبەك» مەملەكەتتىك باعدارلاماسى اياسىندا گرانتقا ءوتىنىم بەردى. الىنعان اقشاعا ول كەسكىش ارالار, ستانوك جانە ت.ب. قاجەتتى جابدىقتار مەن قۇرالداردى ساتىپ الا الدى.

ورىنباساردىڭ ايتۋىنشا, مارتوك اۋدانىندا وسى سالادا جۇمىس ىستەيتىن بىرنەشە ۇيىم عانا بار, سوندىقتان بيزنەستەن تۇسەتىن تابىس وتباسىن قامتاماسىز ەتۋ ءۇشىن جەتكىلىكتى. 

2021 جىلعى 30 ناۋرىزداعى جاعداي بويىنشا اقتوبە وبلىسىندا مەملەكەتتىك باعدارلاما اياسىندا ءوز ءىسىن دامىتۋعا 51 ادام گرانت الدى. قىسقا مەرزىمدى كاسىپتىك وقۋعا ءوڭىردىڭ 203 تۇرعىنى, جاستار پراكتيكاسىنا 317 ادام جىبەرىلدى. تۇراقتى جۇمىس ورىندارىنا 3922 ادام, الەۋمەتتىك جۇمىس ورىندارىنا – 1075 ادام, قوعامدىق جۇمىستارعا 3226 ادام قاتىستى.

2021 جىلدىڭ باسىنان باستاپ «ەڭبەك» مەملەكەتتىك باعدارلاماسى اياسىندا جۇمىسپەن قامتۋعا جاردەمدەسۋ شارالارىمەن وڭىردە بارلىعى 8 852 ادام قامتىلدى.

ەستەرىڭىزگە سالا كەتەيىك, 2021 جىلى قازاقستان بويىنشا 109,7 مىڭنان استام ادام «ەڭبەك» مەملەكەتتىك باعدارلاماسىنىڭ قاتىسۋشىلارى بولدى, ولار ءتۇرلى قولداۋ تۇرلەرىن الدى. 100,4 مىڭ ادام جۇمىسقا ورنالاستىرىلدى, ونىڭ ىشىندە 32,8 مىڭى – تۇراقتى جۇمىسقا, مەملەكەت سۋبسيديالايتىن جۇمىس ورىندارىنا 68,6 مىڭ ادام جۇمىسقا ورنالاستىرىلدى, 1,2 مىڭ ادامعا قايتارىمسىز گرانت بەرىلدى.