اسقار مامين ەۋروپالىق قايتا قۇرۋ جانە دامۋ بانكىنىڭ پرەزيدەنتىمەن كەلىسسوز جۇرگىزدى

«ەققدب-نىڭ قازاقستانداعى جۇمىسى كەزەڭىندە جالپى سوماسى $9,4 ملرد اساتىن 280 جوبا قارجىلاندىرىلدى, ونىڭ 66%-ى – جەكەمەنشىك سەكتوردا. ينۆەستيتسيالار ينفراقۇرىلىم, ەنەرگەتيكا, اۋىل شارۋاشىلىعى, IT, قارجى, تكش, سونداي-اق شاعىن جانە ورتا بيزنەس تارىزدى ەكونوميكانىڭ باسىمدىقتى سالالارىندا جوبالاردى جۇزەگە اسىرۋعا باعىتتالدى», دەدى ا. مامين.

تاراپتار قازاقستاننىڭ ەنەرگەتيكالىق سەكتورىن دەكاربونيزاتسيالاۋ باعدارلاماسىن, ەققدب-نىڭ «جاسىل قالالار» باعدارلاماسىن ىسكە اسىرۋ, كارىزدىك تازارتۋ قۇرىلىستارىن جاڭعىرتۋ, سونداي-اق شاعىن جانە ورتا بيزنەستى دامىتۋ ماسەلەلەرىن  تالقىلادى. ۇلكەن الماتى اينالما اۆتوموبيل جولىن ء(ۇاااج), الماتى قالاسىندا س.د. اسفەندياروۆ اتىنداعى اۋرۋحانانى جانە مەملەكەتتىك-جەكەمەنشىك ارىپتەستىك شەڭبەرىندە باسقا دا دەنساۋلىق ساقتاۋ نىساندارىن سالۋ جوبالارىنا ەرەكشە نازار اۋدارىلدى.

كەلىسسوز قورىتىندىسى بويىنشا ۇلتتىق ەكونوميكا ءمينيسترى اسەت ەرعاليەۆ پەن ەققدب-نىڭ قازاقستان بويىنشا باسشىسى اگريس پرەيمانيس قر ۇكىمەتى مەن ەققدب اراسىنداعى ەلدىڭ ورنىقتى دامۋى مەن وسۋىنە جاردەمدەسۋگە باعىتتالعان ىنتىماقتاستىقتى كەڭەيتۋ بويىنشا ارىپتەستىك تۋرالى نەگىزدەمەلىك كەلىسىمگە قول قويدى.

قۇجات زاماناۋي ەنەرگيا ءتيىمدى جانە رەسۋرس ۇنەمدەيتىن تەحنولوگيالاردى ەنگىزۋ, ۆەنچۋرلىق قارجىلاندىرۋدى دامىتۋ ارقىلى يننوۆاتسيالار مەن تسيفرلاندىرۋعا جاردەمدەسۋ, ءمجا-ءنىڭ قۇقىقتىق جانە ينستيتۋتسيونالدىق بازاسىن نىعايتۋ, كولىك جانە تۇرعىن ءۇي-كوممۋنالدىق ينفراقۇرىلىمىندا قارجىلىق جانە ەكولوگيالىق تۇراقتىلىققا قول جەتكىزۋ جانە ءوزارا ءىس-قيمىلدىڭ باسقا دا اسپەكتىلەرى ەسەبىنەن جەكە سەكتوردى قولداۋ, قر ەكونوميكاسىنا تىكەلەي شەتەلدىك ينۆەستيتسيالاردى تارتۋ, جاسىل ەكونوميكانى دامىتۋ ماسەلەلەرىن قامتيدى.