باعاسى 120 مىڭ تەڭگە بولاتىن حاسكي تۇقىمداس ءيتتى ۇرلاعان ادام بەينەكامەراداعى جازبانىڭ كومەگىمەن ۇستالدى. ول يت تۇرعان بوتەن اۋلاعا باسپالاپ كەلىپ, سۇيكىمدى ءيتتى الىپ شىعىپ, ماشيناسىنا سالىپ الىپ كەتكەن.
وسىنىڭ ءبارى بەينەجازبادا انىق كورىنگەن. ءتارتىپ ساقشىلارى كۇدىكتىنى وڭاي انىقتادى, ول سول اۋداندا تۇرىپ جاتقان 23 جاستاعى قالا تۇرعىنى بولىپ شىقتى. اسىل تۇقىمدى يت ونىڭ اۋلاسىنان تابىلدى. حاسكيدى ول بۇرىن دا ءبىر رەت ۇرلاپ كەتكەنى انىقتالدى, بىراق اقىلدى يت باسى بوساعاندا بىردەن ءوزىنىڭ بۇرىنعى قوجايىندارىنا قاشىپ كەلگەن ەكەن. اتالعان فاكتى قر قىلمىستىق كودەكسىنىڭ «ۇرلىق» بابى بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە ەنگىزىلدى.
پەتروپاۆل