بۇل تۋرالى پەتروپاۆل قالاسى پوليتسيا باسقارماسىنىڭ باستىعى پولكوۆنيك جاندوس مۇقاتوۆ قالا تۇرعىندارىنىڭ الدىندا بەرگەن ەسەبىندە ايتتى. كەزدەسۋگە پەتروپاۆل قالاسىنىڭ اكىمى بولات جۇمابەكوۆ, وبلىستىق پوليتسيا دەپارتامەنتىنىڭ باستىعى, پوليتسيا پولكوۆنيگى مارات تولەباەۆ, قالالىق ءماسليحاتتىڭ دەپۋتاتتارى ارمان بەردىعۇلوۆ, كەڭەس مۇقىشەۆ جانە ت.ب. قاتىستى.
تىركەلگەن قىلمىستاردى اشۋ دەڭگەيى -61,3% بولعان. ال قاساقانا ادام ءولتىرۋ, اۋىر دەنە جاراقاتتارىن سالۋ, توناۋ, قاراقشىلىق, زورلاۋ, بۇزاقىلىق, ۇرلىق, اۆتوكولىكتى ايداپ كەتۋ سياقتى قىلمىستار سانى ازايعان. ەسەسىنە الاياقتىق فاكتىلەرى 44,2%-عا ارتقان. ونىڭ 70%-ى الداۋ جانە بايلانىسسىز, ياعني اقپاراتتىق جۇيە پايدالانۋشىلارىنىڭ سەنىمىن پايدالانۋ جولىمەن جاسالعان. سونىمەن قاتار 102 ەسىرتكى قۇقىق بۇزۋشىلىعى تىركەلگەن, ونىڭ ىشىندە 47-ءسى ساتۋ فاكتىسى. زاڭسىز اينالىمنان 294 كگ ەسىرتكى زاتى الىندى, ونىڭ ىشىندە 489 گر گەروين.
قالا جولدارىندا جول-كولىك وقيعالارى 19,1%-عا ارتقان. 410 بەينە باقىلاۋ كامەرالارىنان تۇراتىن قالالىق بەينەباقىلاۋ جۇيەسىنىڭ كومەگىمەن 721 قىلمىس اشىلىپ, 14 مىڭنان استام قۇقىق بۇزۋشىلىق تىركەلىپتى.
پەتروپاۆل