ەر ادامنىڭ ولىمىنە قاتىستى كۇدىكتى دەپ تانىلعان 50 جاستاعى ايەل قالالىق ۋاقىتشا ۇستاۋ اباقتىسىنا قامالدى, دەپ حابارلايدى Egemen.kz
«28 ناۋرىز كۇنى پاۆلودار قالاسىنىڭ لەرمونتوۆ كوشەسىندەگى ءۇيدىڭ اۋلاسىنداعى قوقىس كونتەينەرىنىڭ قاسىنان ىشىنە پىشاق جاراقاتى سالىنعان 38 جاستاعى ەر ادامنىڭ دەنەسى تابىلدى. اۋىر قىلمىستى جاسادى دەگەن كۇدىككە ىلىنگەن 50 جاستاعى ايەل ۇستالدى», دەپ مالىمدەدى پاۆلودار وبلىستىق پوليتسيا دەپارتامەنتىنىڭ باستىعى نۇرلان ءماسىموۆ.
ايماقتىق پد ءباسپاسوز قىزمەتى اتالعان فاكتى بويىنشا قىلمىستىق كودەكستىڭ 99-بابى 1-بولىمىمەن سوت الدىنداعى تەرگەۋ امالدارى باستالىپ كەتكەنىن قوسىپ ءوتتى. قىلمىس جاسادى دەگەن كۇدىككە ىلىنگەن ايەل پاۆلودار قالاسىنىڭ ۋاقىتشا ۇستاۋ وقشاۋلاعىشىنا قامالدى. اتالعان قىلمىستىڭ ءمان-جايى سوتالدى تەرگەۋ كەزىندە انىقتالادى.