قاراعاندى وبلىستىق دەنساۋلىق ساقتاۋ باسقارماسىنىڭ باسشىسى بولىپ گامال توقسامباەۆ تاعايىندالدى, دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.
گامال سايلاۋ ۇلى توقسامباەۆ 1975 جىلى دۇنيەگە كەلگەن. ەكى جوعارى ءبىلىمى بار: 1998 جىلى قاراعاندى مەملەكەتتىك مەديتسينا اكادەمياسىنىڭ ەمدەۋ فاكۋلتەتىن, 2014 جىلى الماتى ەكونوميكا جانە ستاتيستيكا اكادەمياسىن «ەكونوميكا» ماماندىعى بويىنشا تامامداعان.
ەڭبەك جولىن 1999 جىلى شاحتينسك قالاسىنداعى مەديتسينالىق-سانيتارلىق بولىمدە دارىگەر-حيرۋرگ بولىپ باستاعان. سودان كەيىن بىرنەشە جىل بويى قاراعاندىداعى وبلىستىق كلينيكالىق اۋرۋحانادا دارىگەر-حيرۋرگ بولىپ جۇمىس ىستەدى. 2009 جىلدان 2011 جىلعا دەيىن قاراعاندى وبلىستىق دەنساۋلىق ساقتاۋ باسقارماسىندا باس حيرۋرگ بولدى.
بەس جىل بويى «وبلىستىق مەديتسينالىق ورتالىق» كمك ديرەكتورىنىڭ ورىنباسارى قىزمەتىن اتقارعان. 2016 جىلدان 2019 جىلعا دەيىن «ساران قالاسىنىڭ ورتالىق اۋرۋحاناسى» كمك ديرەكتورى بولىپ جۇمىس ىستەدى.
2019 جىلدان باستاپ وسى ۋاقىتقا دەيىن قاراعاندى وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى قىزمەتىن اتقارىپ كەلدى.
قاراعاندى وبلىسى