«بايتەرەك» ۇلتتىق باسقارۋشى حولدينگى اگروونەركاسىپ كەشەنىن قارجىلىق قولداۋمەن اينالىسا باستايدى. «قازاگرومەن» قوسىلعان سوڭ حولدينگتىڭ قۇزىرەتى وسىلايشا كەڭەيدى.
وسى جىلدىڭ 15-ناۋرىزىندا قارجى مينيسترلىگىنىڭ مەملەكەتتىك م ۇلىك جانە جەكەشەلەندىرۋ كوميتەتى تاپسىرۋ اكتىسىن بەكىتتى. ءسويتىپ «قازاگرونىڭ» ءۇش ەنشىلەس ۇيىمى – «اگرارلىق نەسيە كورپوراتسياسى» اق, «قازاگروقارجى» اق جانە «اۋىل شارۋاشىلىعىن قارجىلاي قولداۋ قورى» اق «بايتەرەك» حولدينگىنىڭ قۇرامىنا ءوتتى.
– مەملەكەت باسشىسى قاسىم-جومارت توقاەۆتىڭ تاپسىرماسى بويىنشا اۋقىمدى جۇمىس اتقارىلدى. بۇل وڭتايلاندىرۋ دامۋ ينستيتۋتتارىن نەعۇرلىم ءتيىمدى باسقارۋعا جانە مەملەكەتتىك قولداۋدى قازاقستاندىقتارعا ساپالى, جەدەل جەتكىزۋگە ارنالعان. قوسىلۋ پروتسەسى فەرمەرلەر ءۇشىن تەرىس اسەر ەتپەيتىنىن ەرەكشە اتاپ وتكىم كەلەدى. اگروونەركاسىپتىك كەشەنگە مەملەكەتتىك قولداۋ تولىق كولەمدە كورسەتىلەتىن بولادى, – دەدى «بايتەرەك» حولدينگىنىڭ باسشىسى ايدار ءارىپحانوۆ.
بۇدان بولەك, «بايتەرەك» حولدينگى اگروونەركاسىپتىك كەشەن سۋبەكتىلەرىن قارجىلىق قولداۋ شەڭبەرىندە اۋىل شارۋاشىلىعى مينيسترلىگىمەن, قازاقستان قارجىگەرلەر قاۋىمداستىعىمەن, ەكىنشى دەڭگەيلى بانكتەرمەن جانە دامۋ ينستيتۋتتارىمەن بىرلەسىپ جۇمىس جۇرگىزۋدە. اتاپ ايتقاندا, اگروونەركاسىپتىك سەكتورداعى الەۋەتتى جوبالار پۋلى ازىرلەندى. ونى ىسكە اسىرۋ ىشكى نارىقتى مولىقتىرۋعا مۇمكىندىك بەرەدى جانە اسا ماڭىزدى تاۋار پوزيتسيالارى بويىنشا يمپورتقا تاۋەلدىلىكتى ازايتادى.
وسى ورايدا, حولدينگتىڭ ۇيىمدىق قۇرىلىمىندا شتات سانىن ۇلعايتپاي اۋىل شارۋاشىلىعى اكتيۆتەرىن باسقارۋدىڭ جاڭا دەپارتامەنتى قۇرىلعانىن اتاپ وتكەن ءجون.
ەسكە سالا كەتەيىك, «بايتەرەك» حولدينگى مەملەكەت باسشىسىنىڭ 2020 جىلعى 1 قىركۇيەكتەگى «جاڭا جاعدايداعى قازاقستان: ءىس-قيمىل كەزەڭى» اتتى قازاقستان حالقىنا جولداۋىن ىسكە اسىرۋ جونىندەگى جالپىۇلتتىق ءىس-شارالار جوسپارىنىڭ 52-تارماعىن ورىنداۋ ماقساتىندا وزىنە «قازاگرو» حولدينگىن قوسۋ ارقىلى بىرىڭعاي دامۋ ينستيتۋتىن قۇرۋ بويىنشا ءىس-شارالار وتكىزۋدە.
ايتا كەتۋ كەرەك, «قازاگروقارجى» اق-نى «اگرارلىق نەسيە كورپوراتسياسى» اق-عا بەرۋ بويىنشا جول كارتاسى ازىرلەۋ ساتىسىندا. بۇل ءتيىستى زاڭنامالىق اكتىلەرگە وزگەرىستەر ەنگىزۋدى, بارلىق قاجەتتى راسىمدەردى كوزدەيتىن بولادى. سونىمەن قاتار ليزينگتىك مامىلەلەردى كەپىلدەندىرۋ, ميكروبيزنەستى تىكەلەي كرەديتتەۋ جانە وسىمدىك شارۋاشىلىعىن ساقتاندىرۋ فۋنكتسيالارىن كەيىننەن «اۋىل شارۋاشىلىعىن قارجىلاي قولداۋ قورىن» تاراتا وتىرىپ, «اگرارلىق نەسيە كورپوراتسياسىنا» بەرۋ بويىنشا جۇمىس جۇرگىزىلۋدە.
وسىلايشا, قازىرگى ۋاقىتتا «بايتەرەك» حولدينگىنىڭ قۇرامىندا 12 ەنشىلەس ۇيىم بار. ولار – «قازاقستاننىڭ دامۋ بانكى» اق, «دامۋ» كاسىپكەرلىكتى دامىتۋ قورى» اق, KazakhExport ەكسپورتتىق ساقتاندىرۋ كومپانياسى» اق, «قازىنا كاپيتال مەنەدجمەنت» اق, «قازاقستاننىڭ ينۆەستيتسيالىق قورى» اق, QazTech Ventures اق, Kazakhstan Project Preparation Fund جشس, «قازاقستاندىق تۇرعىن ءۇي كومپانياسى» اق, «وتباسى بانك» تۇرعىن ءۇي قۇرىلىس جيناق بانكى» اق, «اگرارلىق نەسيە كورپوراتسياسى» اق, «قازاگروقارجى» اق, «اۋىل شارۋاشىلىعىن قارجىلاي قولداۋ قورى» اق. سونىمەن قاتار حولدينگتىڭ پورتفەلدى كومپانيالارىن ودان ءارى 12-دەن 7-گە دەيىن قىسقارتۋ جانە سوعان وراي شتاتتىڭ سانىن تۇزەتۋ جوسپارلانىپ وتىر.