ماڭعىستاۋ وڭىرىندە ءبىر كۇندە التى لاۋازىم يەسى جاڭا ورىنتاقتارعا وتىردى. ياعني, وبلىس اكىمىنىڭ ورىنباسارى ا.ايتقۇلوۆ اكىمنىڭ ءبىرىنشى ورىنباسارى بولدى. ورىنباسارلارى ج.قاراەۆ “نۇر وتان” حدپ وبلىستىق فيليالى توراعاسىنىڭ ءبىرىنشى ورىنباسارى, ق.بوقانوۆ ماڭعىستاۋ اۋدانىنىڭ اكىمى قىزمەتتەرىنە كىرىستى. وبلىس اكىمىنىڭ جاڭا ورىنباسارلارى بولىپ ەلگە بەلگىلى ازاماتتار, بۇعان دەيىن وبلىستىق باسقارمالاردى باسقارعان ق.جۇماشەۆ, م.ءجۇنباسوۆ بەكىتىلدى.
سونداي-اق وسى كۇنى اقتاۋ قالاسىنا و.قازاقباەۆ اكىم بولىپ تاعايىندالىپ, ونىڭ ورنىنا, ياعني مۇنايلى اۋدانىنا ە.ءابىلوۆ اكىم بولىپ باردى. ال اقتاۋ قالاسىنىڭ اكىمى بولعان س.بەكبەرگەنوۆ پرەزيدەنت اپپاراتىنا جۇمىسقا اۋىستى.
جولامان بوشالاق.
اقتاۋ.