ەكىباستۇز قالاسىندا اناسى 12 جاستاعى بالاسىن جالعىز قالدىرىپ, سىرتىنان جاۋىپ كەتكەن, دەپ حابارلايدى Egemen.kz
بەلگىلى بولعانداي, بالا پاتەردە ەكى تاۋلىك بويى اش وتىرعان. سويتسە, اناسى وسكەمەن قالاسىنا سۇيىكتىسىنە كەتكەن. وبلىستىق پوليتسيا دەپارتامەنتىنە قالاداعى كوپقاباتتى ۇيلەردىڭ ءبىرىنىڭ تۇرعىنى كورشى پاتەردە بالانىڭ جالعىز قالعانى تۋرالى حاباردار ەتكەن.
فاتيما احمەتجانوۆانىڭ ايتۋىنشا, ايەلدى پاتەردە بالانىڭ جالعىز قالىپ, اش وتىرعانى ۋايىمداتپاعان كورىنەدى. دەرەۋ ىسكە كوشكەن تج قىزمەتكەرلەرى ق ۇلىپتى بۇزىپ, ارتىنشا بالانىڭ قالادا اجەسى بار ەكەنى انىقتالعان. بىراق اناسى كەتەر الدىندا قىزىن نەلىكتەن اجەسىنە قالدىرىپ كەتپەگەنى كوڭىلگە كۇدىك ۇيالاتادى. پوليتسيا وكىلدەرى قىزدى اجەسىنە قولحاتپەن تاپسىردى.
اتالعان دەرەكتەر بويىنشا بالاسىنا نەمقۇرايدى قاراعان اناعا قاتىستى قر اقبتك-ءنىڭ 127-بابى بويىنشا اكىمشىلىك ءىس قوزعالدى.
«بۇعان دەيىن كامەلەتكە تولماعان بالانىڭ اناسى قر اقبتك-ءنىڭ 127-بابى بويىنشا كامەلەتكە تولماعان بالانىڭ تاربيەسى مەن ءبىلىم بەرۋ, قۇقىقتارى مەن مۇددەلەرىن قورعاۋ جونىندەگى مىندەتتەرىن ورىنداماعانى ءۇشىن اكىمشىلىك جاۋاپكەرشىلىككە تارتىلعان بولاتىن. بىراق ودان ساباق الماعان», دەپ حابارلادى پوليتسيا وكىلدەرى.
ودان وزگە, ايەلدىڭ مىنەز-قۇلقى كامەلەتكە تولماعانداردىڭ ىستەرى جانە ولاردىڭ قۇقىقتارىن قورعاۋ جونىندەگى كوميسسيانىڭ وتىرىسىندا قارالادى. وندا بالا اناسىنىڭ قولىندا قالا ما, جوق پا بەلگىسىز.