اقپارات جانە قوعامدىق دامۋ مينيسترلىگى, ەكولوگيا, گەولوگيا جانە تابيعي رەسۋرستار مينيسترلىگى مەن ءال-فارابي اتىنداعى قازۇۋ ىنتىماقتاستىق مەموراندۋمى اياسىندا ەكولوگيا سالاسىندا ماماندانعان جۋرناليستەرگە ارنالعان ءدارىس ءوتتى.
جاھاندىق قورشاعان ورتا وزگەرىستەرى مەن جەرگىلىكتى ەكولوگيالىق پروبلەمالار بەس كۇنگە ارنالعان جۋرناليستەرگە ارنالعان كۋرستىڭ باستى ءبىلىم بەرۋ تراەكتورياسى سانالدى. ەكولوگيالىق ساۋاتتىلىقتى ارتتىرۋ, ەكولوگيالىق ماسەلەلەر تاقىرىبىندى جۋرناليستىك ماتەريالدار دايارلاۋدىڭ مەديا قۇرالدارىن ۇيرەنۋ ءمودۋلى شىعارماشىلىق كەشەندى قامتىدى. باق-تا ەكولوگيالىق ماسەلەلەردى جاريالاۋ, ەكولوگيالىق ءبىلىم بەرۋ مەن تاربيەلەۋ, قالدىقتاردى كادەگە جاراتۋ جانە قورشاعان ورتانى قورعاۋ پروبلەمالارىن تالقىلانىپ, ولاردى ەكولوگيالىق مادەنيەتتى ارتتىرۋى جولدارىنا دەيىن اتالعان شاراعا عالىمدار, جۋرناليستەر مەن ەكولوگيالىق سالانىڭ ەرىكتىلەرى قاتىستى.
بۇۇ جاھاندىق كوممۋنيكاتسيالار دەپارتامەنتىنىڭ وكىلى - قازاقستانداعى بۇۇ اقپاراتتىق بيۋروسىنىڭ باسشىسى ۆلاستيميل سامەك «تۇرعىندار اراسىندا ەكولوگيالىق اقپارات تاراتۋدىڭ ۇلكەن جاۋاپكەرشىلىگى بار. ەكولوگيالىق ويلاۋدى قالىپتاستىرۋدا ۋنيۆەرسيتەتتەردىڭ سالالىق كافەدرالارىنىڭ ورنى ايرىقشا. سوندىقتان ول تۋرالى ءبىلىم مەن اقپارات كەڭىنەن تارالۋى جانە قولجەتىم بولۋى ءتيىس. 8 ملرد-قا جۋىق تۇرعىنى بار جەر بەتىندە ادام بالاسى قانداي اۋامەن تىنىستايدى جانە قانداي سۋ ىشەدى دەگەن سۇراقتار قوعام نازارىندا. دەرەكتەر شىنايى بولۋى جانە رەسمي دەرەكتەرگە نەگىزدەلۋى ەكولوگيا مەن قورشاعان ورتاعا دەگەن دۇرىس كوزقاراس قالىپتاستىرادى», - دەپ اتاپ ءوتتى.
قازاقستان, قىرعىزستان, تاجىكستان جانە وزبەكستان بويىنشا الماتىداعى يۋنەسكو كلاستەرلىك بيۋروسى كوممۋنيكاتسيا جانە اقپارات مامانى سەرگەي كارپوۆ تۇراقتى دامۋ ماقساتتارى اياسىندا ەكولوگيالىق جۋرناليستيكا بويىنشا ءبىلىم بەرۋدىڭ باعدارلامالارىن تانىستىردى. ۋنيۆەرسيتەتتىڭ ءباسپاسوز جانە ەلەكتروندى باق كافەدراسى مەن تۇراقتى دامۋ بويىنشا يۋنەسكو كافەدراسى عالىمدارى, تاجىريبەشىل ەكولوگتار قاۋىمداستىعى سپيكەرلەردىڭ تەوريالىق ماسەلەدەن پراكتيكالىق داعدىلارعا دەيىنگى كەشەندى قامتىدى.
ەكولوگيالىق پروبلەما وتە كوپتىگى راس, دەگەنمەن ول ءار ادام بالاسىنىڭ ومىرىنە قاتىستى ماسەلە. قازاقستان رەسپۋبليكاسىنىڭ جاڭا ەكولوگيالىق كودەكسى تۇسىندىرۋدەن باستاپ, ماماندار باق-تا ءجيى اتالاتىن بيوسفەرانىڭ لاستانۋى, ەكوتوكسيكانتتار, توتەنشە جاعدايلاردان قورعانۋ, ەكولوگيالىق تاۋەكەلدەر, ەكولوگيالىق ءىزدى ەسەپتەۋ سياقتى كاسىبي پروبلەمالاردى كەڭىنەن تالقىلادى. لابوراتوريالىق جاعدايدا جۋرناليستەر سۋدىڭ ورگانولەپتيكالىق كورسەتكىشتەرىن تالدادى. جۋرناليستەرگە ۇسىنىلعان ەكولوگيالىق مينيمۋم - بيومۋزەي, جاسىل تەحنولوگيالار زوناسىمەن جاقىن تانىستىرعان كامپۋسقا ەكوتۋرمەن اياقتالدى. قازۇۋ عىلىمي كىتاپحانا قورى «ەكولوگيا. تۇراقتى دامۋ ماقساتتارى. جۋرناليستيكا» تاقىرىبىندى كىتاپ جانە باق ماتەريالدار مەن اسىلحان ءابدىرايىمنىڭ «قازاقستاننىڭ كوركەم تابيعاتى» فوتوكورمەسى دە شارانىڭ ادىستەمەلىك, ۆيزۋالدىق مودۋلىن نىعايتقانى راس», دەپ اتاپ ءوتتى باعدارلاما ۇيلەستىرۋشىسى گۇلميرا سۇلتانباەۆا.
بيىلعى جىلى ۋنيۆەرسيتەتتىڭ سالالاس كافەدرالارى اراسىندا عىلىمي-پەداگوگيكالىق باعىتتا «ەكولوگيالىق جۋرناليستيكا» جاڭا ءبىلىم بەرۋ باعدارلاماسى اشىلادى. سونداي-اق قاتىسۋشىلاردىڭ باستاماسىمەن ەكولوگيالىق تاقىرىپتا جازاتىن جۋرناليستەردىڭ ۇلتتىق جەلىسىن قۇرۋ ۇسىنىلدى. ەكولوگيا سالاسىندا ماسەلە قوردالانعان. بۇل ەكولوگ عالىمدار مەن جۋرناليستەردىڭ, ەرىكتىلەردىڭ جاڭا ءبىلىم مەن اقپاراتتىق داعدى جيناۋداعى ىنتىماعىن ارتتىرۋدىڭ دالەلى.