وتكەن تاۋلىكتە ەلوردادا 26 مم-دەن استام قار جاۋدى, بۇل ايلىق نورمادان 8 مم ارتىق, دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.
وتكەن تاۋلىكتە كوممۋنالدىق قىزمەتتەر نۇر-سۇلتاننان 83 مىڭ تەكشە مەتر قار شىعاردى. 23 ناۋرىزدان 24-ىنە قاراعان ءتۇنى جولداردى, تروتۋارلاردى, الاڭداردى جانە باسقا دا قوعامدىق كەڭىستىكتى سانيتارلىق تازالاۋعا 1200-گە جۋىق ارنايى تەحنيكا مەن 200-گە جۋىق جول جۇمىسشى تارتىلدى. وتكەن تۇندە كاماز ارقىلى پوليگوندارعا 3700-گە جۋىق رەيس جاسالدى. ال وتكەن تاۋلىكتە 5700-دەن اسا رەيس شىعارىلدى.
بۇگىن قار كۇرەۋ جۇمىستارىنا 1500-دەن استام ارنايى تەحنيكا مەن 1800-گە جۋىق جول جۇمىسشى شىقتى.
ايتا كەتەيىك, نۇر-سۇلتاندا قار كۇرەۋ جۇمىستارى ۇزدىكسىز ەكى اۋىسىمدىق رەجيمدە, ياعني كەشكى جانە تۇنگى ۋاقىتتا قارقىندى ءجۇرىپ جاتىر.
ءبىرىنشى كەزەكتە, ەرەجە بويىنشا, جولداردا كەپتەلىس بولماۋى ءۇشىن قوزعالىسى وتە قارقىندى ۋچاسكەلەر تازارتىلادى. ودان ءارى ورتاشا قارقىندى ۋچاسكەلەر – الاڭدار, ۆوكزال ماڭىنداعى اۋماقتار, تروتۋارلار جانە ت.ب. قاردان تازارتىلادى.
جينالعان قار ەلوردانىڭ 11 پوليگونىنا شىعارىلادى. پوليگونداردا باقىلاۋ ءۇشىن فوتو جانە بەينەكامەرالار ورناتىلعان.