موڭعوليا پرەزيدەنتى حالمااگين باتتۋلگا قازاق حالقىن ناۋرىز مەيرامىمەن قۇتتىقتادى.
«ناۋرىز مەيرامى قۇتتى بولسىن! قاھارلى قىستىڭ سۋىق كۇندەرىن ارتقا تاستاپ, كوكتەمنىڭ جايما شۋاق كۇنىمەن قاۋىشىپ جاتقان قۋانىشتى ساتتە موڭعول ەلىنىڭ تۇپكىر تۇپكىرىندە ءومىر سۇرەتىن بارلىق قازاق اعا باۋىرلاردى ناۋرىز مەرەكەسىمەن قىزۋ قۇتتىقتايمىن.
بىرىككەن ۇلتتار ۇيىمىنىڭ باس اسسمبلەياسىنىڭ 2010 جىلعى ءماجىلىسى حالىقارالىق ناۋرىز كۇنىن دۇنيە جۇزىلىك دەنگەيدە بەلگىلەپ تويلاۋ تۋرالى شەشىم قابىلداعان. ناۋرىز بارشا ادامزاتتىڭ ورتاق مادەنيەتى, رۋحاني مۇراسى.انا ءتىلىن, مادەنيەتىن, ادەت عۇرىپىن عاسىرلار بويى سول قالپىندا ساقتاپ باسقاعا ۇلگى بولىپ كەلە جاتقان موڭعوليا قازاقتارى اراسىنان دۇنيە جۇزىنە ەلىمىزدىڭ اتىن شىعارعان, الەمگە تانىمال ەڭبەك مايتالماندارى, مەملەكەتتىك جانە مادەنيەت, ونەر سالاسىنىڭ قايراتكەرلەرى, عالىمدار كوپتەپ تۋىپ شىققانى بارىمىزگە ماقتانىش.
قازاق حالقىنىڭ اتا بابادان جالعاسىپ كەلە جاتقان ماقتان تۇتار تاريحىن, ەڭبەك جولىن قازاق جاستارى الداعى ۋاقىتتا جالعاستىرىپ وتانىمىزدىڭ گۇلدەنىپ وركەندەۋىنە قوماقتى ۇلەس قوسادى دەگەنگە كامىل سەنەمىن.بارشا قازاق حالقى دومبىراسىن قالىقتاتىپ, ايتىس ءان مەن كۇيىن شارىقتاتىپ, اۋىل ايماق اقساقال قارتتارعا قۇرمەت كورسەتىپ, بالا شاعا وتباستارىڭىزبەن تەكسى تۇگەل امان ەسەن بولۋلارىڭىزدى تىلەيمىن.اسپان كوكتىڭ سەرىسى الاپ قىران تاعدىرلاس اسىل قازاق حالقىنىڭ ءىسى ۇنەمى ىلگەرى ءجۇرىپ باق باقىتى تاسقىنداي بەرسىن», دەدى موڭعوليا پرەزيدەتى حالمااگين باتتۋلگا.