ءال-فارابي قازاق ۇلتتىق ۋنيۆەرسيتەتىندە وتكەن «بارمانقۇلوۆ وقۋلارى» اياسىندا ء«ححى عاسىردىڭ جاڭا مەديا-لاندشافتى» بايقاۋى مارەسىنە جەتتى, دەپ حابارلايدى Egemen.kz
جۋرناليستيكا فاكۋلتەتى ۇسىنعان مالىمەتتەرگە سۇيەنسەك, قازاقستانداعى تەلەراديو جۋرناليستيكانىڭ نەگىزىن سالۋشى, جۋرناليستيكا عىلىمي مەكتەبىنىڭ نەگىزىن قالاعان, ۇلتتىق تەلەراديو حابارلارىن تاراتۋعا ۇلكەن ۇلەس قوسقان, قازاقستاندىق جۋرناليستەردىڭ بىرنەشە بۋىنىن تاربيەلەگەن عالىم, پروفەسسور مارات بارمانقۇلوۆتى ەسكە الۋعا ارنالعان كونفەرەنتسيا بارىسىندا بايقاۋ جەڭىمپازدارى ماراپاتتالدى.
بيىل 20-شى رەت ءوتىپ وتىرعان بايقاۋ ستۋدەنتتەر مەن جاس عالىمداردىڭ عىلىمي ىزدەنىسىن ارتتىرۋعا, تەلەراديوجۋرناليستيكا باعىتىنداعى شىعارماشىلىق ويلارى مەن جاڭاشا يدەيالارىن جۇزەگە اسىرۋعا ىقپال ەتەدى. «قازاقستان رەسپۋبليكاسىنىڭ تاۋەلسىزدىگىنە 30 جىل» تاقىرىبىنداعى ۇزدىك ماتەريال, تەلەسيۋجەت, اۋديوروليك, ءباسپاسوز ماتەريالى, عىلىمي جۇمىس نوميناتسيالارى بويىنشا بايقاۋ جەڭىمپازدارى قاتارىندا قىرعىزستاننان ءجۇسىپ بالاساعىن اتىنداعى قىرعىز ۇلتتىق ۋنيۆەرسيتەتىنىڭ جۋرناليستيكا فاكۋلتەتى, ا.بايتۇرسىنوۆ اتىنداعى قوستاناي وڭىرلىك ۋنيۆەرسيتەتى جۋرناليستيكا جانە كوممۋنيكاتسيالىق مەنەدجمەنت كافەدراسى, م.اۋەزوۆ اتىنداعى وڭتۇستىك قازاقستان ۋنيۆەرسيتەتىنىڭ مەملەكەتتىك ءتىلدى وقىتۋ كافەدراسى, سونداي-اق تۇران ۋنيۆەرسيتەتى, ءال-فارابي قازاق ۇلتتىق ۋنيۆەرسيتەتى ستۋدەنتتەرىنىڭ جۇمىستارى اتالدى. ء بىر ەرەكشەلىگى مەكتەپ وقۋشىلارى دا بايقاۋعا قاتىسىپ, باق سىناۋعا مۇمكىندىك الدى. سولاردىڭ ءبىرى قىزىلوردا وبلىسى شيەلى اۋدانى №244 ى.جاقاەۆ اتىنداعى ورتا مەكتەبىوقۋشىسى ايبەك بەرىكبول ۇلىنىڭ جۇمىسىن ەرەكشە اتاپ وتكەن ءجون.
مارات بارمانقۇلوۆ - قازاقستان جۋرناليستيكا اكادەمياسىنىڭ اكادەميگى, كورنەكتى عالىم, تەلەجۋرناليست, جۋرناليستيكا جانە بۇقارالىق كوممۋنيكاتسيا, مادەنيەتتانۋ, تۇركولوگيا بويىنشا كوپتەگەن كىتاپتاردىڭ اۆتورى. سونىمەن بىرگە ەلىمىزدە ينتەرنەتتىڭ پايدا بولۋى مەن ونىڭ ەلەكتروندى اقپارات قۇرالدارىنا, قوعام دامۋىنا اسەرىن زەرتتەگەن العاشقى قازاقستاندىق زەرتتەۋشى بولىپ تابىلادى.
عالىم ءومىرىنىڭ سوڭعى جىلدارى ەۋرازيانى, تۇركولوگيانى زەرتتەدى. عالىمنىڭ ەڭبەكتەرى عىلىمي ىزدەنىستەرىنىڭ, ءومىردىڭ ءمانى تۋرالى تەرەڭ ويلارىنىڭ ناتيجەسى ىسپەتتى.
ول رەسپۋبليكادا جۋرناليست كادرلارىن دايارلاۋعا ۇلكەن ۇلەس قوستى. م.ك.بارمانقۇلوۆتىڭ مەكتەبىنەن وتكەن س.احمەتوۆا, گ.ج.يبراەۆا, س.ح.بارلىباەۆا, ش.ي.نۇرعوجينا, ك.قابىلعازينا, ق.تۇرسىن, ا.ا.مولدابەكوۆ, ش.نۇرجانوۆا, د.شوروحوۆ, گ.بايكەنوۆا جانە باسقالار بۇگىندە ەلىمىزگە تانىمال عالىمدار عانا ەمەس, عىلىمي مەكتەپتىڭ نەگىزىن قالاۋشىلار. جاڭا يدەيالاردىڭ, جوبالاردىڭ, كىتاپتاردىڭ, كونفەرەنتسيالاردىڭ گەنەراتورى بولا بىلگەن زەرتتەۋشى, تالىمگەر, وقىتۋشى, شىعارماشىل تۇلعا مارات بارمانقۇلوۆتىڭ شاكىرتتەرى بۇگىندە ۇستاز مۇراسىن ونەگە تۇتادى.