شىمكەنتتىك دارىگەرلەر ەلوردالىق ماماندارمەن مەموراندۋمعا قول قويدى

ەكى جاقتى كەلىسىم اياسىندا شىمكەنتتىك دارىگەرلەر ەلوردالىق ارىپتەستەرىمەن بىرىگىپ, تاجىريبە الماسپاق.

جەرگىلىكتى رەنتگەنحيرۋرگتار بىلىكتىلىگىن ارتتىرۋ ماقساتىندا ۇلتتىق نەيروحيرۋرگيالىق ورتالىعىنىڭ ديرەكتورى, MD. PhDr. پروفەسسورى ادىلبەكوۆ ەرجان مەن ورتالىقتىڭ تامىرلى جانە فۋنكتسيونالدى نەيروحيرۋرگيا بولىمشەسىنىڭ مەڭگەرۋشىسى, م.ع.ك., قاۋىمداستىرىلعان پروفەسسورى ەربول ماحامبەتوۆ پەن بىرىگىپ, كۇردەلى وتالار جاسادى. اتالعان مامانداردىڭ قاتىسۋىمەن يشەميالىق جانە گەمورراگيالىق ينسۋلتپەن تۇسكەن ناۋقاستارعا جەدەل ەندوۆاسكۋليارلى وپەراتسيا جاسادى.

№2 قالالىق اۋرۋحانادا - باس دارىگەر سارسەن پەرنەبەكوۆتەن باستاپ الىس جانە جاقىن شەت ەلدەردە بىلىكتىلىگىن ارتتىرعان بىلىكتى رەنتگەنحيرۋرگتار, نەۆرولوگتار كومانداسى جۇمىس ىستەيدى. مەديتسينالىق ۇيىمدا حالىققا ساپالى مەديتسينالىق كومەك كورسەتۋگە بارلىق جاعداي جاسالعان. اۋرۋحانا قۇرامىندا ەمحانا, پەرزەنتحانا جانە توعىز بولىمشە بار.

ء«بىز مەگاپوليس بولعاندىقتان, ناۋقاستار باسقا قالاعا بارىپ ەم ىزدەمەۋى كەرەك. سوندىقتان ءبىز №2 قالالىق اۋرۋحانانىڭ ەمدەۋ مۇمكىندىگىن ارتتىرىپ, ناۋقاستار ءۇشىن بارلىق جاعدايدى جاسادىق. ماتەريالدىق تەحنيكالىق بازامىز جەتكىلىكتى. بىلىكتى مامانداردى جينادىق. ەندى حالىقتىڭ ساۋلىعى ءۇشىن بارىنشا ايانباي ەڭبەك ەتەمىز» دەيدى اۋرۋحانانىڭ باس دارىگەرى سارسەن پەرنەبەكوۆ.