بۇگىن كەشكى ساعات 17:04-تە الماتى قالاسى تجد كەزەكشى-ديسپەتچەرلىك قىزمەتىنىڭ پۋلتىنە الماتى قالاسى مەدەۋ اۋدانىندا جەتى قاباتتى تۇرعىن ۇيدە ءورت شىققانى تۋرالى حابارلاما ءتۇستى. پاتەردە جيھاز جانە ءۇي زاتتارى جانعان, دەپ حابارلايدى Egemen.kz
تجم رەسمي وكىلى تالعات ءۋالي ءورتتى سوندىرۋگە الماتى قالالىق توتەنشە جاعدايلار دەپارتامەنتىنىڭ 22 قىزمەتكەرى مەن 5 بىرلىك تەحنيكاسى جۇمىلدىرىلعانىن ايتىپ بەردى.
ءورت بەسىنشى قاباتتاعى پاتەردەن شىققان. ماماندار ءورت اۆتوساتىسىنىڭ كومەگىمەن 3 ادامدى قۇتقاردى. تۇرعىندار ەۆاكۋاتسيالاندى. ءورت ساعات 17:32-دە ءسوندىرىلدى. قىزىل جالىن 30 شارشى مەتر جەردى شارپىعان. قازا بولعاندار مەن زارداپ شەككەندەر جوق.