نۇر-سۇلتان قالاسى اكىمدىگىنىڭ «استانا جاستارى» كمم, «نۇر-سۇلتان قالاسىنىڭ جاستار ساياساتى ماسەلەلەرى باسقارماسى» مم بىرلەسىپ, ەرەكشە قاجەتتىلىكتەرى بار بالالارعا, اتا-انالارىنىڭ قامقورلىعىنسىز قالعان جانە الەۋمەتتىك وسال وتباسىلاردان شىققان بالالارعا ارنالعان جاڭادان «سامعاۋ» اۋلا كلۋبىن اشتى, دەپ حابارلايدى قالا اكىمدىگىنىڭ رەسمي سايتى.
اتالعان ءىس-شارا قازاقستان رەسپۋبليكاسى تاۋەلسىزدىگىنىڭ 30 جىلدىعىنا, ناۋرىز مەيرامى جانە شىمىرلىق پەن شەبەرلىك كۇنىنە وراي ۇيىمداستىرىلىپ وتىر. كلۋبتا توعىزقۇمالاق, كاراتە, قازاقشا كۇرەس, دزيۋدو جانە شاحمات سەكىلدى سپورت سەكتسيالارى بار.
سالتاناتتى جيىنعا «بايقوڭىر» اۋدانىنىڭ اكىمى نۇربول نۇرساعاتوۆ, «نۇر-سۇلتان قالاسىنىڭ جاستار ساياساتى ماسەلەلەرى باسقارماسى» مم باسشىسى قايرات قامباروۆ جانە ەلوردانىڭ قوعام قايراتكەرى تاۋكەن كەڭەسبەك ۇلى قاتىستى.
جاڭادان اشىلعان اۋلا كلۋبى جولىمبەت, 43/ الاش تاسجولى, 15/2 مەكەن-جايىندا ورنالاسقان.