الماتىداعى مەملەكەتتىك ورتالىق مۋزەيىندە مۋزەي قورىندا قالپىنا كەلتىرىلگەن كىلەم جانە توقىما بۇيىمدارىنىڭ نەگىزىندە «ماساتىداي قۇلپىرعان...» كىلەمدەر كورمەسى اشىلدى, دەپ حابارلايدى ەgemen.kz
«ماساتىداي قۇلپىرعان...» كورمەسىن ەلىمىزدىڭ وڭتۇستىك, سولتۇستىك جانە باتىس وڭىرلەرى داستۇرىنە ساي توقىلعان, كوركەمدىك-تاريحي ماڭىزى جوعارى بىرەگەي قازاق كىلەمدەرىنىڭ مۋزەي قورىنداعى بىرەگەي كوللەكتسياسى ۇسىنىلىپ وتىر. قالپىنا كەلتىرىلگەن كىلەم جانە توقىما بۇيىمدارى مۋزەي قورىندا ۇزاق جىلدار بويى ساقتالۋىنىڭ سىرى ۇلتتىق جادىگەرلەرگە جاڭا تىنىس بەرىپ, كوركەمدىگىن قالپىنا كەلتىرگەن مۋزەي رەستاۆراتورلارىنىڭ كاسىبي شەبەرلىگىمەن تىعىز بايلانىستى.
ورتالىق مۋزەيدەگى قالپىنا كەلتىرۋ ءبولىمىنىڭ وتىز بەس جىلدىق تاريحى بار. نەگىزى 1986 جىلى قالانعان ءبولىمنىڭ قالىپتاسۋىنا ۇزاق جىلدار بويى وسى سالادا ەڭبەك ەتكەن تاجىريبەلى مامانداردىڭ تاريحي-مادەني ەسكەرتكىشتەردى جاڭعىرتۋ, قالپىنا كەلتىرۋدىڭ قىر-سىرىن, تاسىلدەرىن يگەرۋدەگى اتقارعان ەڭبەكتەرى زور.
ورتالىق مۋزەيدىڭ قوعاممەن بايلانىس ماماندارىنىڭ دەرەكتەرى بويىنشا, تاريحي-مادەني ارتەفاكتىلەردى قالپىنا كەلتىرۋ جۇمىستارى تاريحي, مادەني, مۋزەيلىك ماڭىزى بار مۋزەي زاتتارىنىڭ بۇزىلۋىنىڭ الدىن الۋعا, سونداي-اق ولاردى ۇزاق ۋاقىت ساقتاۋدىڭ وڭتايلى جاعدايلارىنا قول جەتكىزۋ مەملەكەتتىك ورتالىق مۋزەيى قىزمەتىنىڭ ماڭىزدى باعىتتارىنىڭ ءبىرى دەيتىن بولساق, مۋزەي قورىندا ساقتالىپ كەلگەن مۋزەيلىك بۇيىمدار مەن زاتتاردىڭ جاي-كۇيى جانە ولاردىڭ ارمەن قارايعى ء«ومىرى» قالپىنا كەلتىرۋ (رەستاۆراتسيا) جۇمىستارىنىڭ قانشالىقتى جولعا قويىلعاندىعىمەن بايلانىستى.
مۋزەيدە قازىرگى كەزدە مۋزەيدە كەسكىندەمە, گرافيكا, قىش, ماتا بۇيىمدارى, كىلەم-كيىز, ت.ب. قۇندىلىقتار تۇرلەرى بويىنشا ماماندانعان 8 بىلىكتىلىگى جوعارى سۋرەتشى-قالپىنا كەلتىرۋشى جۇمىس ىستەيدى.
كورمەنىڭ ماقساتى مۋزەيى قورى نەگىزىندە قازاق حالقىنىڭ كىلەم جانە توقىما بۇيىمدارىنىڭ تىرشىلىك قامى فۋنكتسياسىن, سونىمەن قاتار, ولاردىڭ جاسالۋ ماتەريالدارى مەن تەحنيكاسىن, قولدانىس اياسىن, شارۋاشىلىق, تۇرمىستىق جانە دە ءداستۇرلى كىلەم توقۋ مادەنيەتىنىڭ الۋان تۇرلىلىگىن كورسەتۋ بولىپ تابىلادى. سونداي-اق, ەلىمىزدىڭ ۇلتتىق مادەني يگىلىگى بولىپ تابىلاتىن اتالمىش قۇندىلىقتاردى جانداندىرۋداعى قالپىنا كەلتىرۋشىلەردىڭ كۇردەلى جۇمىستارىمەن تانىستىرۋ. كورمەگە كەلۋشىلەر مۋزەي جۇمىسىنىڭ ءتۇرلى قىرلارى مەن «قۇپيالارىن», مۋزەيلىك زاتتاردى قالپىنا كەلتىرۋدەگى بارلىق كۇردەلى ءارى كوپساتىلى جۇمىس بارىسىن تاماشالاي الادى. ءارى ەلىمىزدىڭ ءار وڭىرىندەگى كىلەمدەردىڭ سيپاتىن, ءستيلىن جانە جاساۋ تەحنيكاسىن سالىستىرىپ قانا قويماي, سونىمەن قاتار, قازاق كيىز ءۇيىنىڭ جابدىقتارى مەن ينتەرەرىنىڭ سانالۋان تۇرلەرىن كورۋگە مۇمكىندىك تۋىپ وتىر.