Euromonitor International كومپانياسى تۋريزم سالاسى تۇراقتى دامىپ كەلە جاتقان ەلدەر رەيتينگىن جاريالادى. جالپى تىزىمدەگى 99 مەملەكەتتىڭ ىشىندە قازاقستان 62-ءشى ورىنعا يە بولدى, دەپ حابارلايدى Egemen.kz مادەنيەت جانە سپورت مينيستلىگىنىڭ ءباسپاسوز قىزمەتىنە سىلتەمە جاساپ.
شۆەتسيا, فينليانديا جəنە اۆستريا بۇل سالادا كوش باستاسا, رەسەي فەدەراتسياسى 65-ءشى, تۇركيا 66-شى ساتىعا جايعاسقان. تمد قۇرامىنداعى ەلدەردەن بەلارۋس رەسپۋبليكاسى 26-شى, ۋكراينا 30-شى, گرۋزيا 41-ءشى ورىن الدى. ال تۇرىكمەنستان, تəجىكستان, قىرعىزستان, ارمەنيا مەن مولدوۆا رەيتينگتەن تىس قالىپتى. ءتىزىم سوڭىندا ماۆريكي (97), ءۇندىستان (98) مەن پاكىستان (99) تۇر.
Euromonitor International كومپانياسى عالامدىق نارىقتى تۇراقتى باقىلاپ, ستراتەگيالىق زەرتتەۋلەر جۇرگىزەدى. ءوز كەزەگىندە بۇل زەرتتەۋ نəتيجەسى حالىقارالىق كومپانيالار, شاعىن جəنە جانە ورتا بيزنەس وكىلدەرى ءۇشىن سەنىمدى اقپارات كوزى سانالادى.
رەيتينگ ەكولوگيا, پاراساتتىلىق جانە جاۋاپكەرشىلىك سىندى پرينتسيپتەرگە نەگىزدەلگەن. سالا زەرتتەۋشىلەرى تۇراقتى تۋريزم سالامەن قاتار تابيعي رەسۋرستاردى ساقتاۋدى, قوعامداعى əلەۋمەتتىك جəنە مəدەني قۇندىلىقتاردى جانداندىرۋدى كوزدەيتىنىن ايتادى. تۋريزم سالاسىن تۇراقتى دامىتۋدىڭ ماقساتى - ەكونوميكالىق ءوسۋ جانە بولاشاق ۇرپاق ءۇشىن ەكولوگيالىق يگىلىكتەردى ساقتاۋ ارقىلى حالىقتىڭ ءومىر ءسۇرۋ دەڭگەيىنىڭ جوعارىلاۋىنا قول جەتكىزۋ.