تۇركىستان وبلىسىنىڭ پوليتسەيلەرى 100-گە جۋىق ۇيالى تەلەفون ۇرلاعان اككى ۇرىلاردى ۇستادى, دەپ حابارلايدى Polisia.kz.
قازىعۇرت اپب-نە جەرگىلىكتى تۇرعىننىڭ “102” نومىرىنە حابارلاسىپ, بەلگىسىز بىرەۋلەردىڭ دۇكەنىنە ۇرلىققا تۇسكەنىن ايتقان. وقيعانى ەستىگەن ءتارتىپ ساقشىلارى شۇعىل تۇردە ۇرلىق بولعان جەرگە بارادى. سودان پوليتسەيلەر اككى ۇرىلاردىڭ دۇكەنگە كىرىپ, 100-گە جۋىق ۇيالى تەلەفوندى جىمقىرىپ كەتكەندەرىن انىقتادى. پوليتسيا قىزمەتكەرلەرى اتالعان جايتتى قر قك-ءنىڭ 188-بابى (ۇرلىق) بويىنشا سدتبت-عا تىركەپ, قىلمىستىق ءىستى باستاپ كەتەدى. دۇكەن يەسىنە كەلتىرىلگەن شىعىننىڭ كولەمى ءۇش ميلليون تەڭگەنى قۇرايدى.
بۇل ۇرلىق قىلمىسى بويىنشا ءتارتىپ ساقشىلارى جەدەل-ىزدەستىرۋ جۇمىستارىن جۇرگىزدى. جان-جاقتى تەكسەرۋ جۇمىستارىن جۇزەگە اسىرىپ, كورگەن-بىلگەندەردەن جاۋاپ الدى. بەينەباقىلاۋ كامەرالارىن تەكسەردى, بارلىق قاجەتتى شارالاردى اتقاردى. سونىڭ ناتيجەسىندە اقپارات كوزدەرى ارقىلى, كۇدىكتى رەتىندە ەكى ازامات انىقتالىپ بولىمشەگە جەتكىزىلدى.
تەرگەۋ بارىسىندا انىقتالعانداي ەكى كۇدىكتى قىلمىستى الدىن الا جوسپارلى تۇردە ۇيىمداستىرعان. سونداي-اق كۇدىكتى جاس جىگىتتەر 100-گە جۋىق تەلەفوننىڭ جارتىسىن لومباردتاردىڭ بىرىنە وتكىزگەندەرى بەلگىلى بولدى. قالعان ۇيالى تەلەفوندار كۇدىكتىلەردىڭ ۇيىنەن تاركىلەنىپ, زاڭدى يەسىنە قايتارىلدى. قازىرگى تاڭدا اتالعان ەكى كۇدىكتىگە قاتىستى سوتقا دەيىنگى تەرگەۋ امالدارى جالعاسۋدا. ۇستالعان ەكەۋدىڭ باس شاراسى قاماۋدا.
تۇركىستان وبلىسى پوليتسەيلەرى ازاماتتارعا باعالى زاتتارىڭىز بەن ۇيالى تەلەفوندارىڭىزعا, امياندارىڭىزعا ساق بولىپ ساقتىق شارالارىن قولدانۋ قاجەتتىلىگىن ەسكەرتەدى. م ۇلىكتىڭ كەز-كەلگەن تۇرىنە قىراعىلىقپەن جانە جاۋاپكەرشىلىكپەن قاراعاندا عانا, مۇنداي جاعدايلاردى ازايتۋعا بولادى.