شىمكەنت قالاسىنىڭ اكىمى مۇرات ايتەنوۆتىڭ قولداۋىمەن №2 قالالىق اۋرۋحانا بازاسىندا جوعارى مامانداندىرىلعان ينسۋلت ورتالىعى مەن انگيوگرافيا بولىمشەسى اشىلدى, دەپ حابارلايدى ەgemen.kz
جاڭادان اشىلعان ورتالىقتا مەديتسينا ماماندارى شىمكەنت قالاسى مەن تۇركىستان وبلىسىنىڭ تۇرعىندارىنا شۇعىل مەديتسينالىق كومەك كورسەتەدى.
زاماناۋي مەديتسينالىق قۇرال - جابدىقتارمەن قامتىلعان ورتالىق 30 ورىنعا لايىقتالعان. مۇندا سوڭعى ۇلگىدەگى ەكسپرەسس - كلاستى بيپلاندى Philips Azurion 7 ۆ20/15 انگيوگرافيالىق اپپاراتى مەن وكپەنى جاساندى تىنىستاندىرۋ, تسيفرلى رەنگەن سىندى ينسۋلت اۋرۋىن ەمدەۋگە قاجەتتى اپپاراتتار ورناتىلعان.
تەڭدەسى جوق قۇرىلعىلارمەن جۇمىس ىستەۋ ءۇشىن مەديتسينا ماماندارى شەت ەلدەردە بىلىكتىلىگىن ارتتىرىپ كەلگەن.