«ورلەۋدىڭ» الماتى قالاسى بويىنشا اعا وقىتۋشىسى گۇلبالا كەنىشتايقىزى مۇعالىمدەرمەن ونلاين-سەمينار وتكىزدى, دەپ حابارلايدى Egemen.kz
دۇنيەجۇزى تاريحى, قازاقستان تاريحى جانە قۇقىق نەگىزدەرى ءپانىنىڭ جاڭارتىلعان باعدارلاما بويىنشا ترەنەرى, گۋمانيتارلىق عىلىمدار ماگيسترى, «ورلەۋدىڭ» الماتى قالاسى بويىنشا اعا وقىتۋشىسى گۇلبالا كەنىشتايقىزى مۇعالىمدەرمەن ونلاين-سەمينار وتكىزدى. سەمينارعا قاتىسۋشىلارعا ترەنەر ءبىرىنشى كەزەكتە تسيفرلىق ساباقتاردى ءتۇسىرۋدىڭ بەكىتىلگەن ەرەجەسىنەن اۋىتقىماي, ەستافەتا ماتەريالدارىنا قويىلاتىن تالاپتار بويىنشا جۇمىس جاسۋدىڭ ماڭىزدىلىعىن اتاپ ءوتتى.
ترەنەر سەمينار بارىسىندا ەستافەتاعا قاتىسۋشى مۇعالىمدەردىڭ دۇنيەجۇزى تاريحى پانىنەن (10-سىنىپ) 4-توقساننىڭ وقۋ باعدارلاماسى بويىنشا ازىرلەنگەن ساباق ۇلگىلەرىمەن تانىسىپ, قاشىقتىقتان ءبىلىم بەرۋ جاعدايىندا وقۋشىلاردىڭ ءبىلىمىن تولىقتىرۋعا نەگىز بولاتىن تسيفرلىق ساباقتى دايىنداۋ بارىسىندا باعالاۋ كريتەريلەرىنە, ءبىلىم, بىلىك, داعدىسىنا, تاپسىرمالاردىڭ ەرەكشەلىكتەرىنە ءمان بەرىپ, دەسكريپتور مەن كەرى بايلانىستىڭ دۇرىس جۇرگىزىلۋىنە باعىت-باعدار بەردى.
سەمينار بارىسىندا تاريح ءپانى مۇعالىمدەرى ساباقتى ازىرلەۋ بارىسىنداعى تۋىنداعان ساۋالدارىمەن, ساباق جوسپارىن ورىنداۋعا قاجەتتى كەڭەستەرمەن ءبولىستى.