«قازاقستان ۆولونتەرلەر ليگاسى» قق الماتى فيليالىنىڭ ەرىكتىلەرى قالاداعى الەۋمەتتىك كومەككە مۇقتاج تۇرعىندارعا ۇزدىكسىز كومەك كورسەتىپ كەلەدى. ەلىمىزدە توتەنشە جاعدايلار جاريالانعان كەزدەن بەرگى ارالىقتا ءبىر شتابقا جينالعان ەرىكتىلەر قالا اكىمشىلىگىنىڭ قولداۋىمەن كوپتەگەن الەۋمەتتىك جوبانىڭ العى شەبىندە ءجۇر.
الماتى قالاسى بويىنشا ۆولونتەرلەر جەدەل شتابىنىڭ جەتەكشىسى باعدات انارباەۆا كارانتيننىڭ العاشقى كەزەڭىندە جۇمىس ىستەۋدە كوپتەگەن قيىندىق پەن قورقىنىشتىڭ بولعانىن العا تارتادى. «16 ناۋرىزدا الماتى قالاسىندا ۆولونتەرلەر شتابى قۇرىلدى. شتاب اياسىندا قالانىڭ بارلىق ۆولونتەرلەرى, سونىمەن قاتار تۇرعىندارمەن بىرلەسە وتىرىپ شتاب اياسىندا جۇمىس ىستەۋگە شەشىم قابىلدادىق. جۇمىسىمىزدا تاڭنان كەشكە دەيىن دامىل بولعان جوق. اكىمشىلىك تاراپىنان ەرىكتىلەرگە تەگىن كولىك بەرىلىپ, جۇمىس ورنى بەلگىلەندى. ىستىق تاماقپەن دە قامتاماسىز ەتىلدى. وسى ورايدا مەديتسينا سالاسىندا ءبىلىمى بار ەرىكتىلەردىڭ جۇمىسىن ەرەكشە اتاپ وتكەن ءجون. ولار ەرىكتىلەر توبىنىڭ دەنساۋلىعىن قاداعالاپ, ۆيرۋستىڭ الدىن الۋ شارالارىندا الدىڭعى شەپتە تۇردى. سونىڭ ناتيجەسىندە بىردە-ءبىر ەرىكتى ۆيرۋس جۇقتىرعان جوق», دەپ اتاپ ءوتتى شتاب جەتەكشىسى.
توتەنشە جاعدايدا جۇمىس ىستەگەن ەرىكتىلەر مۇقتاج جاندارعا ازىق-ت ۇلىك سەبەتتەرىن جيناپ, ۇيلەرىنە جەتكىزىپ بەرۋ جۇمىستارىن تۇراقتى ىسكە اسىرىپ وتىردى. سونىمەن بىرگە ەرىكتەلەردەن جالعىزباستى زەينەتكەرلەردىڭ ۋاقتىلى ىستىق تاماقپەن, ازىق-ت ۇلىك جانە ءدارى-دارمەكپەن قامتاماسىز ەتۋىن قاداعالاپ, جەتكىزىپ وتىرۋ جىلدامدىقتى, دەمالىسسىز جۇمىس ىستەۋدى تالاپ ەتتى. قالا بويىنشا جۇرگىزىلگەن مونيتورينگ جۇمىستارىنىڭ ناتيجەسىندە كوپتەگەن اكتسيانىڭ وتۋىنە مۇرىندىق بولعان ەرىكتىلەر شتابىنىڭ مۇشەلەرى ءدارى-دارمەكتەر تاپشىلىعى كەزىندە الەۋمەتتىك از قامتىلعان تۇرعىندارعا قولۇشىن بەردى. جيىرما مىڭنان استام مۇقتاج وتباسى مەن الەۋمەتتىك جاعدايى ناشار ازاماتتارعا قاجەتتى ونىمدەردى تاراتۋعا قولداۋ كورسەتكەن ەرىكتىلەر 284 وتباسىنا قاجەتتى ءدارى-دارمەك, 60 وتباسىنىڭ بالالارىنا مەكتەپكە قاجەتتى تاۋارلار جيىنتىعىن, 151 وتباسىنا تۇرمىستىق قاجەتتىلىكتەر, 78 وتباسىنا قاشىقتان وقىتۋعا كەرەكتى قۇرالدار تاراتۋعا قولۇشىن بەردى. سەنىم تەلەفونى ارقىلى قالانىڭ 12 مىڭنان استام تۇرعىنىمەن اقپاراتتىق-ءتۇسىندىرۋ جۇمىستارى جۇرگىزىلدى. سونىمەن قاتار قالا اكىمشىلىگىمەن بىرلەسىپ, 20 مىڭنان استام ازىق-ت ۇلىك سەبەتى دايىندالدى. الەۋمەتتىك دامۋ باسقارماسى جانە توتەنشە جاعدايلار دەپارتامەنتىمەن بىرلەسىپ, مەكەمەلەردە كارانتيندىك رەجىم ەرەجەلەرىنىڭ ساقتالۋىن جۇيەلى تۇردە باقىلاۋ مەن ادامدار كوپ شوعىرلانعان جەرلەردە كارانتين شارالارىن ساقتاۋ بويىنشا ءتۇسىندىرۋ جۇمىستارىنىڭ بەل ورتاسىندا جۇرگەن ەرىكتىلەر شتابى وسى قيىن كەزەڭدە شىڭدالۋمەن قاتار قالا تۇرعىندارىنىڭ العىسىن ارقالاپ ءجۇر.
الماتى