نۇر-سۇلتان قالاسىنىڭ ءبىلىم باسقارماسى باسشىسىنىڭ ورىنباسارى ريمما يمانعازينوۆا وقۋشىلاردىڭ الداعى كوكتەمگى دەمالىسىن پايدالى وتكىزۋ ءۇشىن ونلاين ءىس-شارالار ۇيىمداستىرىلاتىنىن ءمالىم ەتتى, دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.
ء«بىز ءۇشىن ماڭىزدى ماسەلەلەردىڭ ءبىرى وقۋشىلاردىڭ 20 ناۋرىزدا باستالىپ, 31 ناۋرىزعا دەيىن سوزىلاتىن كوكتەمگى كانيكۋلدى وتكىزۋ ماسەلەسى بولىپ سانالادى. كانيكۋل «قازاقستان بالالارى – كوكتەمگى تامشى!» ۇرانىمەن وتەدى», دەدى ءبىلىم باسقارماسىنىڭ وكىلى.
سونداي-اق ول كانيكۋل كەزىندە وقۋشىلاردىڭ پايدالى جانە بەلسەندى قىزمەتىن ۇيىمداستىرۋ ءۇشىن ونلاين رەجيمدە وتەتىن ءىس-شارالار جوسپارى ازىرلەنگەنىن ايرىقشا اتاپ ءوتتى.
«الدىمىزدا مەرەكە كۇندەرى, ياعني بالالارىمىزدىڭ كوكتەمگى كانيكۋلى كەلە جاتىر. بارلىقتارىڭىزعا جاقسى دەمالىس جانە جاقسى كوڭىلمەن ءتورتىنشى توقساندا جالعاستىرۋدى تىلەيمىن! ەپيدەميولوگيالىق جاعدايعا بايلانىستى سانيتارلىق نورمالاردى قاتاڭ ساقتاۋلارىڭىزدى سۇرايمىن», دەدى ول.