«اق جول» پارتياسى تەكەلى قالاسىندا كاسىپكەر, كوپبالالى اناعا 670 مىڭ تەڭگە كولەمىندە ايىپپۇل سالعان مونيتورينگتىك توپتاردىڭ ارەكەتىن زاڭسىزدىق دەپ اتادى. بۇل تۋرالى ازات پەرۋاشەۆ بۇگىن ءماجىلىستىڭ جالپى وتىرىسىندا ايتىلعان دەپۋتاتتىق ساۋالدا مالىمدەدى.
بۇعان دەيىن «اق جول» فراكتسياسىنىڭ دەپۋتاتتارى ۇكىمەتكە كاسىپكەرلەرگە قاتىستى «مونيتورينگتىك توپتاردىڭ» قىسىم جاساۋىنا قاتىستى بىرنەشە رەت جۇگىنگەن بولاتىن.
- وتكەن جىلدىڭ 18 قاراشاسى مەن 2 جەلتوقسانىنداعى ساۋالداردا ءبىز ولاردىڭ رەيدتەرىن زاڭعا سايكەس كەلمەيدى دەپ ساناپ, ولاردىڭ كاسىپكەرلىك كودەكسكە سايكەس جۇمىس ىستەۋلەرىن جانە شاعىن جانە ورتا بيزنەستىڭ زاڭدى قۇقىقتارىن قورعاۋىن تالاپ ەتتىك. سونىمەن قاتار, ەپيدەميولوگيالىق باقىلاۋ تەك تولىق قامتىلعان كەزدە عانا ءتيىمدى. ال جەكە نىسانداردى (تەك وزدەرى بىلەتىن سەبەپتەر بويىنشا) اينالىپ ءوتۋ ارقىلى بۇل توپتار كەيدە پاندەمياعا كەدەرگى كەلتىرۋمەن جۇمىس ىستەۋدىڭ ورنىنا, كوبىنە ەسەپ بەرۋ جانە بوپسالاۋمەن اينالىسادى, - دەدى پرەۋاشەۆ.
سونداي-اق دەپۋتات «اق جولعا» كومەككە جۇگىنگەن تەمىرتاۋلىق كاسىپكەردى شاعىن دۇكەنىنىڭ ءبىر ايدا 18 رەت «مونيتورشىلاردىڭ» تەكسەرۋىنەن وتكەنىن, مۇنداي مىسالدار از ەمەس ەكەنىن العا تارتتى.
- مۇنداي ارەكەتتەرمەن مونيتورينگ توپتارى پاندەميادان امان قالعان كاسىپكەرلەردى عانا ەمەس, قوعامداعى تىنىشتىققا قاۋىپ توندىرەدى دەپ سانايمىز. «مونيتورشى» مىرزالار, سىزدەر نە ويلاپ جۇرسىزدەر؟ بۇل ءبىزدىڭ ادامدار, ءبىز ولارعا مەملەكەت رەتىندە جاۋاپ بەرەمىز! «اق جول» فراكتسياسىنىڭ ساۋالدارىنا ءوز جاۋاپتارىمەن زاڭسىزدىققا سانكتسيا بەرەتىن مەملەكەتتىك ورگاندار نە تۋرالى ويلايدى ەكەن؟, - دەدى ول.