الماتى قالاسىنداعى سەيفۋللين داڭعىلى, 546-ۇيدە مەملەكەت جانە قوعام قايراتكەرى بولاتحان تايجاننىڭ قۇرمەتىنە مەموريالدىق تاقتانىڭ سالتاناتتى اشىلۋى ءوتتى, دەپ حابارلايدى ەgemen.kz
اشىلۋ سالتاناتىنا قالا اكىمىنىڭ ورىنباسارى ە.باباقۇماروۆ, بولاتحان تايجاننىڭ جۇبايى مەن ۇلى, پروفەسسور م. سۇلەيمەنوۆ, ديپلومات ح. وماروۆ, قازۇتۋ پرورەكتورى ۋ. سىدىقوۆ جانە قر ءسىم وكىلدىگىنىڭ باسشىسى ە. ىسقاقوۆ قاتىستى. اكىمنىڭ ورىنباسارى ە.باباقۇماروۆ ءوز سوزىندە قوعام قايراتكەرى بولاتحان قۇلجان ۇلىنىڭ قوعامىمىزدىڭ ساياسي ماسەلەلەرىن قالىپتاستىرۋ مەن شەشۋدەگى ماڭىزدى ءرولىن جانە ونىڭ ەڭبەگىن مەملەكەتكە سىڭىرگەن ەڭبەگى جايىندا ايتىپ ءوتتى. ب.تايجان كوپ جىلدار بويى توتەنشە جانە وكىلەتتى ەلشى بولىپ قىزمەت ەتتى. بۇگىندە الماتىدا بولاتحان تايجان اتىنداعى كوشە بار.
ء«وز حالقىنا ادال بولعان اردا ازامات ۇزاق جىلدار ديپلوماتيا سالاسىندا ەڭبەك ەتتى. ءوز ءىسىن جاقسى بىلەتىن ءارى قازاقستان ءۇشىن كوپتەگەن يگى ءىس جاساعان بولاتحان تايجان ەل تاۋەلسىزدىگىنىڭ العاشقى جىلدارىندا حالىقارالىق بايلانىستاردىڭ جولعا قويىلۋىنا زور ەڭبەك ءسىڭىردى. مىسالى, يەمەندەگى كونسۋلدىق قىزمەتىندە, مىسىردا ەلشى بولعان كەزىندە قازاقستانمەن اراداعى ىنتىماقتاستىقتىڭ نىعايۋىنا كوپ كۇش-جىگەرىن ارناسا, ەگيپەتتە اباي اتىنداعى كوشەنىڭ اشىلۋىنا قول جەتكىزدى. قازاقستاننىڭ يسلام كونفەرەنتسياسى ۇيىمىنا كىرۋگە قوسقان ەڭبەگى وراسان. وسى كونفەرەنتسيا اياقتالعان ساتتە قازاقستاندى وسى قۋاتتى دا تانىمال ۇيىمنىڭ مۇشەسى بولىپ جاريالانۋى تۋرالى كوپ اڭگىمەلەگەن بولاتىن. قاي ەلدە, قاي جەردە بولماسىن, ول ارقاشان ءبىزدىڭ تاۋەلسىزدىگىمىزدىڭ يگىلىگى ءۇشىن قىزمەت ەتتى», - دەپ اتاپ ءوتتى پروفەسسور م.سۇلەيمەنوۆ.