باتىس قازاقستان مەن اقتوبە وبلىستارىنىڭ شەكاراسىندا 300 جۇك كولىگى كەپتەلىپ قالعان دەپ حابارلايدى ەgemen.kz
10 ناۋرىز كۇنى 02 ساعات 41 مينۋتتا باتىس قازاقستان وبلىسىنىڭ شىڭعىرلاۋ اۋدانىنىڭ اۋماعىندا سامارا-شىمكەنت تاس جولىنىڭ 489-522 كم شاماسىندا جولدىڭ ءار بولىگىندە اقتوبە وبلىسىنىڭ شەكاراسىنا دەيىن اۋىر جۇك جانە جەڭىل اۆتوكولىكتەردىڭ كەپتەلىسى پايدا بولعان. توتەنشەلىكتەردىڭ حابارلاۋىنشا, شامامەن 300 فۋرا جانە 50 جەڭىل اۆتوكولىك توپتاسىپ تۇر. اۋا رايىنىڭ ناشارلاۋىنا بايلانىستى ارنايى ورىنداردىڭ ەسكەرتۋىنە قاراماستان جولعا شىققان جولاۋشىلار بيىكتىككە كوتەرىلە الماي تۇرىپ قالعان.
باتىس قازاقستان وبلىستىق توتەنشە جاعدايلار دەپارتامەنتىنىڭ باسشىلىق قۇرامى باستاعان «ترالل», شىنجىرتاباندى بروندى تەحنيكا, «كۋنگ», «ترەكول» سىندى ارنايى قۇتقارۋشى كولىكتەر وقيعا ورنىنا اتتاندى. ءسويتىپ, استانا ۋاقىتىمەن 09 ساعات 30 مينۋتتا جەڭىل اۆتوكولىكتەر تولىعىمەن, اۋىر جۇك كولىكتەرىنىڭ 50 شاقتىسى جولعا شىقتى. قۇتقارۋ جۇمىسى جالعاسۋدا, − دەپ حابارلادى وبلىستىق توتەنشە جاعدايلار دەپارتامەنتىنىڭ ءباسپاسوز حاتشىسى باكيزات ماعزەنوۆا.