نۇر-سۇلتان قالاسىنىڭ اكىمدىگى مەن ەلوردالىق «اتامەكەن» كاسىپكەرلەر پالاتاسى بىرلەسە كاسىپكەرلىك سۋبەكتىلەرىن ارالاپ, «Ashyq» ءموبيلدى قوسىمشاسىن پايدالانۋدى ءتۇسىندىرۋ بويىنشا ءباسپاسوز تۋرىن ۇيىمداستىردى, دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.
وسىعان دەيىن نۇر-سۇلتان قالاسى «اتامەكەن» كاسىپكەرلەر پالاتاسى ديرەكتورىنىڭ ورىنباسارى قۋانىشبەك مۇقاش پيلوتتىق جوبا جۇمىسىنىڭ ارالىق قورىتىندىسى تۋرالى ايتقان بولاتىن.
ونىڭ ايتۋىنشا «Ashyq» پيلوتتىق جوباسىن جۇزەگە اسىرۋ ەلوردادا 17 قاڭتاردا باستالدى. نۇر-سۇلتان قالاسى بويىنشا قوسىمشا الدىمەن فيتنەس ورتالىقتار, سپا ورتالىقتار, ساۋنالار مەن باسسەيندەردە ەنگىزىلدى. ياعني, كليەنتتەردىڭ قوسىمشانى جۇكتەۋ جانە QR-كود بويىنشا سايكەستەندىرۋ بويىنشا مىندەتتەمەلەردى ورىنداۋىن قامتاماسىز ەتەتىن رەسەپشن جۇمىس ىستەيتىن نىساندار تاڭدالدى.
«اتامەكەن» كاسىپكەرلەر پالاتاسى ديرەكتورىنىڭ ورىنباسارى قۋانىشبەك مۇقاش باستاعان توپ «Ocean Baby Academy» جشس, «دۋمان» بوۋلينگ-ورتالىعى مەن «WangBa» كومپيۋتەرلىك كلۋب نىساندارىنا بارىپ, قوسىمشانى پايدالانۋ بارىسىمەن تانىسىپ شىقتى.
«Ashyq» ءموبيلدى قوسىمشاسى جۇمىس ىستەۋىمىزگە ۇلكەن مۇمكىندىك بەرەدى. ادامدار سپورتتىڭ بۇل ءتۇرىن ساعىنىپ تا قالدى. سەبەبى بوۋلينگ ەڭ الدىمەن كوڭىل كوتەرۋ ءتۇرى ەمەس سپورت بولىپ سانالادى. كەشەدەن بەرى QR-كود الىپ جۇمىس ىستەي باستادىق. كەلۋشىلەر بولدى, 30 ادامعا قىزمەت كورسەتتىك. بارىندە دە كوك مارتەبە بولدى. قىزىل جانە سارى مارتەبە بولعان جوق. ارناۋلى وقۋدان وتتىك. ونىڭ بارىسىندا قىزىل مارتەبەسى بار ادامداردى مەكەمەگە جىبەرمەۋ كەرەكتىگىن, مىندەتتى تۇردە سانيتارلىق-ەپيدەميولوگيالىق قىزمەتكە حابارلاۋ قاجەتتىگىن تۇسىندىك. قىزمەتتەرگە قاۋىپسىز قىزمەت كورسەتۋ ءۇشىن جۇمىستار جۇرگىزىلەدى. ءار ويىننان كەيىن بوۋلينگ شارالارىن ارناۋلى سۇيىقتىقتارمەن تازالاپ وتىرامىز», – دەدى «دۋمان» قوناق ۇيىندەگى بوۋلينگ ورتالىعىنىڭ باسشىسى م.جانعوجين.
قۋانىشبەك مۇقاش «Ashyq» پيلوتتىق جوباسى كاسىپكەرلەردىڭ جۇمىسىن بوساتىپ, شەكتەۋلەردى جەڭىلدەتۋ ءۇشىن جاسالعان قوسىمشا ەكەنىن اتاپ ءوتتى.
«قازىرگى ۋاقىتتا «Ashyq» پيلوتتىق جوباسىن ىسكە اسىرۋعا 39 كاسىپكەر ءوزىنىڭ كەلىسىمىن ءبىلدىردى. سونىڭ 33-ءى قوسىمشاعا قوسىلدى. ەكونوميكالىق جاعدايعا بايلانىستى كەيبىر كومپيۋتەرلىك كلۋبتار باس تارتتى. تەحنيكا جاعىنان ەشقانداي كەدەرگى جوق. «InfoKazakhstan» پورتالىنا ەلەكتروندى تۇردە ءوتىنىم بەرىپ, ودان QR-كودتى الادى», – دەدى ول.