الماتى قالاسىنداعى «ۇستازدار ءۇيىنىڭ» قىزمەتكەرلەرىنىڭ كاسىپوداق جارناسى ەسەبىنەن «كەدەرگىسىز كەلەشەك» جوباسىنىڭ اياسىندا سابيلىك ومىرىنە سەلكەۋ تۇسكەن بالالار ءۇيىنىڭ تاربيەلەنۋشىلەرىنە سىيلىقتار اپارۋدى, «باقىتتى بالالىق شاق», «مەكتەپكە جول» اكتسيا شەڭبەرىندە الەۋمەتتىك جاعدايى تومەن وتباسىنداعى وقۋشىلارعا مەكتەپكە قاجەتتى جابدىقتار الۋعا كومەكتەسۋ – جىل سايىن ۇيىمداستىرىلاتىن يگى داستۇرگە اينالعان.
سونىمەن بىرگە ينستيتۋتتا ارداگەر ۇستازدارعا قۇرمەت كورسەتۋ, جالپى ينستيتۋتتا ۇيىمداستىرىلاتىن مەرەكەلىك ءىس-شارالارعا ماتەريالدىق قولداۋ كورسەتۋ جۇمىستارى دا تۇراقتى جۇزەگە اسىپ كەلەدى. وسى ورايدا يگى ىستەرگە ۇيىتقى بولىپ جۇرگەن «ورلەۋ» باۇو» اق فيليالى الماتى قالاسى بويىنشا پەداگوگيكالىق قىزمەتكەرلەردىڭ بىلىكتىلىگىن ارتتىرۋ ينستيتۋتىنىڭ وقۋ جۇمىسى جانە مونيتروينگتىك قىزمەتى ءبولىمىنىڭ باسشىسى, باستاۋىش كاسىپوداق ۇيىمىنىڭ جەتەكشىسى ايدا وتىنشينا «الماتى كاسىپوداقتار وداعى» ايماقتىق بىرلەستىگىنىڭ «كاسىپوداققا ەڭبەك سىڭىرگەن قايراتكەر» توسبەلگىسىمەن جانە قۇرمەت گراموتاسىمەن ماراپاتتالدى.