نۇر-سۇلتان قالاسىنىڭ باس مەملەكەتتىك سانيتار دارىگەرى سارقىت بەيسەنوۆانىڭ ەلوردادا شەكتەۋ جانە كارانتين شارالارى تۋرالى №8 قاۋلىسى جاريالاندى, دەپ حابارلايدى Egemen.kz
اتالعان قاۋلىعا سايكەس, بۇقارالىق ءىس-شارالاردى, وتباسىلىق, ەسكە الۋ ءىس-شارالارىن قوسقاندا, ونىڭ ىشىندە ۇيدە (بانكەتتەر, ۇيلەنۋ تويلارى, مەرەيتويلار, ەسكە الۋ جانە تاعى باسقالارى), سونداي-اق مەرەكەلىك كورپوراتيۆتەردى ۇيىمداستىرۋ جانە اتقارۋعا, ميتينگىلەر, شەرۋلەر, جيىندار جانە تاعى باسقالارىن وتكىزۋگە جانە قاتىسۋعا تىيىم سالىنادى.
قىزمەتى جاڭارتىلماعان نىساندارعا: بوۋلينگ-ورتالىقتارعا, كومپيۋتەرلىك كلۋبتارعا («Ashyq» پيلوتتىق جوباسىنا قاتىساتىن نىسانداردى قوسپاعاندا), بيليارد, كاراوكە, باتۋتتار, تۇنگى كلۋبتار, بۋكمەكەرلىك كەڭسەلەر مەن ويىن كلۋبتارىنا, ونىڭ ىشىندە جابىق ءۇي-جايلارداعى لوتەرەيالار, ويىن الاڭدارى مەن اتتراكتسيوندار, سونىمەن قاتار سپورت نىساندارىندا ورنالاسقانداردى قوسپاعاندا, مۇز جانە روليكتى مۇز ايدىندارىنا بارۋعا تىيىم كۇشىندە قالادى.
«Ashyq» پيلوتتىق جوباسىنا قاتىساتىن كاسىپكەرلىك نىساندارىنا كىرۋ ءۇشىن App Store جانە Play Market-تەن «Ashyq» ءموبيلدى قوسىمشاسىن جۇكتەپ پايدالانۋ قاجەت.
قوعامدىق ورىندارعا, ونىڭ ىشىندە قالالىق قوعامدىق كولىككە, قىزمەتىنە رۇقسات ەتىلگەن نىساندارعا بارعان كەزدە, سونداي-اق قوعامدىق ورىنداردا اشىق اۋادا بولعان كەزدە (اشىق اۋادا سپورتپەن شۇعىلدانۋ كەزىندە جانە 5 جاسقا دەيىنگى بالالاردى قوسپاعاندا) بەتپەردە كيۋ, قاشىقتىقتى ساقتاۋ جانە انتيسەپتيكتەردى پايدالانۋ جونىندەگى تالاپتاردى قاتاڭ ساقتاۋ كەرەك.