شىمكەنت قالاسىنىڭ اكىمدىگىندە 1 ناۋرىز – العىس ايتۋ كۇنىنە ارنالعان ءىس-شارا بولىپ ءوتتى. ەپيدەميولوگيالىق احۋالعا بايلانىستى قالانىڭ ءار جەرىندە ۇيىمداستىرىلعان مەرەكەلىك قۇتتىقتاۋلار مەن كونتسەرتتىك باعدارلامالار ونلاين رەجيمدە كورسەتىلدى.
سالتاناتتى جيىنعا قاتىسقان قالا اكىمى مۇرات ايتەنوۆ بارشا قالا تۇرعىندارىن ايتۋلى مەرەكەمەن قۇتتىقتاپ, شىمكەنتتىڭ دامۋى مەن كوركەيۋىنە ۇلەس قوسقان جەرلەستەرىنە العىسىن جەتكىزدى.سالتاناتتى جيىنعا قاتىسقان قالا اكىمى مۇرات ايتەنوۆ بارشا قالا تۇرعىندارىن ايتۋلى مەرەكەمەن قۇتتىقتاپ, شىمكەنتتىڭ دامۋى مەن كوركەيۋىنە ۇلەس قوسقان جەرلەستەرىنە العىسىن جەتكىزدى.
«بارشاڭىزدى كوكتەم شۋاعىمەن كەلگەن 1 ناۋرىز - العىس ايتۋ كۇنىمەن شىن جۇرەكتەن قۇتتىقتايمىن! العىس ايتۋ كۇنى – بۇل قيىن كەزەڭدەردى باسىنان وتكەرگەن ەلىمىزدىڭ بارلىق ازاماتتارىنىڭ ءبىر-بىرىنە دەگەن قۇرمەت كۇنى. ەگەمەندىگىمىزدىڭ 30 جىلىندا تولاعاي تابىستارعا جەتتىك. بۇل جەتىستىككە ەلباسىنىڭ دارا كوشباسشىلىعى مەن حالقىمىزدىڭ دانالىعىنىڭ جانە پاراساتىنىڭ, بىرلىگى مەن ىنتىماعىنىڭ, وتانداستارىمىزدىڭ قاجىرلى ەڭبەگىنىڭ ارقاسىندا قول جەتكىزدىك», دەدى قالا باسشىسى ءوز قۇتتىقتاۋ سوزىندە.
اۋەلى ەكراننان ۇلت پەن ۇلىستىڭ وتكەن كەزەڭدەگى تاريحى دارىپتەلگەن تاتۋلىق پەن كەلىسىم تۋرالى دەرەكتى فيلم كورسەتىلدى.
سونىمەن قاتار, قر تاۋەلسىزدىگىنە 30 جىل تولۋىنا وراي «تاۋەلسىزدىك» ساياباعىنان تىكەلەي ەفير ارقىلى گاۆرەلين ۆلاديسلاۆ پەن بەكسۇلتان اليەۆتىڭ العىس ايتۋ ءسوزى ۇسىنىلىپ, ءتۇرلى ەتنوس وكىلدەرى اسپاپتارىنىڭ ورىنداۋىنداعى قۇرمانعازىنىڭ كۇيى «بالبىراۋىن» ورىندالدى.
ال ەگەمەندىگىمىزدىڭ 30 جىلدىعىنا ارنالعان 30 ەتنوس جاستارىنىڭ «شىمكەنت اربات» الاڭىنان ء«بىز قازاقشا سويلەيمىز» اتتى رەپورتاجى ۇسىنىلسا, كەش سوڭىندا باشقۇرت ەتنوسىنىڭ وكىلى, بەلگىلى ءانشى زەيتۋنا شافيكوۆا ش.قالداياقوۆتىڭ «ارىستىڭ جاعاسىندا» ءانى شىرقالدى.
سونىمەن بىرگە العىس ايتۋ كۇنىندە ءتۇرلى ەتنوس وكىلدەرى ءىس-شاراعا قاتىسىپ وتىرعان ازاماتتار مەن قالامىزدىڭ تۇرعىندارى كوپ شوعىرلانعان الاپتارىندا قۇرت تاراتۋ ءراسىمىن ۇيىمداستىردى. بۇل اكتسيا ارقىلى ولار وزدەرىنىڭ ىقىلاستارى مەن العىستارىن جەتكىزبەك. قۇرت قوراپشاسىنىڭ سىرتىندا «مىڭ العىس» دەگەن جازۋ جازىلعان.