رەيتينگ اگەنتتىكتەرىمەن ديالوگتى جالعاستىرا وتىرىپ, سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ ۆاشينگتوندا ورنالاسقان دۇنيەجۇزىلىك سوت تورەلىگى جوباسىنىڭ (World Justice Project) ساراپشىلار توبىمەن كەزدەستى, دەپ حابارلايدى Egemen.kz
اگەنتتىك توراعاسى سۇحباتتاسۋشىلاردى ساياسي جاڭعىرتۋ شارالارى مەن سىبايلاس جەمقورلىققا قارسى زاڭنامانىڭ جاڭاشىلدىقتارىنا نازار اۋدارا وتىرىپ, ەلدە جۇرگىزىلىپ جاتقان رەفورمالارمەن تانىستىردى.
ءوز كەزەگىندە «زاڭ ۇستەمدىگى يندەكسى» باعدارلاماسى بويىنشا ديرەكتور اليشا ەۆانگەليدەس قازاقستاننىڭ سىبايلاس جەمقورلىققا قارسى ساياساتىنىڭ ىسكە اسىرىلۋىن جوعارى باعالاپ, سىبايلاس جەمقورلىققا قارسى ءىس-قيمىل كورسەتكىشى (absence of corruption) بويىنشا ۇدەمەلى ءوسۋدى جانە شىعىس ەۋروپا مەن ورتالىق ازيا وڭىرىندەگى جەتەكشى ءرولدى ەرەكشە اتاپ ءوتتى.
ء«بىز ودان ءارى دە ىلگەرىلەۋدى كورەتىنىمىزگە سەنىمدىمىن. قازىر سىزدەر ايماقتاعى كوشباسشىلىققا ەمەس, زور اۋقىمعا باعدارلاناتىن دەڭگەيگە جەتتىڭىزدەر», دەدى ساراپشى.
سovid-19 پاندەمياسى كەزىندە قۇقىق ۇستەمدىگىن قامتاماسىز ەتۋ شارالارى ساراپشىلاردىڭ زور قىزىعۋشىلىعىن تۋدىردى. ولار داعدارىس كەزەڭىندە الدىن الۋ جانە قىلمىستىق-قۇقىقتىق شارالار تۇرعىسىنان سىبايلاس جەمقورلىققا قارسى باقىلاۋدى كۇشەيتۋ تۋرالى اقپاراتتى وڭ قابىلدادى.
سونداي-اق, شەتەلدىك ارىپتەستەر ءولىم جازاسىن جويۋ تۋرالى وڭ پىكىر ءبىلدىردى. ساياسي باسەكەلەستىكتى كۇشەيتۋ تۇرعىسىنان پارتيالاردى تىركەۋ ءۇشىن شەكتىڭ تومەندەۋى اتاپ ءوتىلدى.
«وتكەن پارلامەنت سايلاۋىنىڭ قورىتىندىسى بويىنشا ءۇش پارتيا ءوتتى. سونىمەن قوسا, پارلامەنتكە وتە الماعان جەكەلەگەن پارتيالار ءماسليحاتتار دەڭگەيىندە ءوز پوزيتسيالارىن ايتارلىقتاي نىعايتتى», دەدى اليك شپەكباەۆ.
كەزدەسۋ سوڭىندا رەيتينگ اگەنتتىگىنىڭ وكىلدەرى باسقا ەلدەرمەن سالىستىرعاندا قازاقستاننىڭ بەلسەندىلىگىنە نازار اۋدارىپ, انتيكور باسشىسىنا سەرگەك بولۋعا مۇمكىندىك بەرەتىن تۇراقتى اشىق ديالوگ ءۇشىن العىس ءبىلدىردى.