مەملەكەت باسشىسى نۇرسۇلتان نازارباەۆ كسرو-نىڭ حالىق ءارتىسى جانە قازاق كسر-ءىنىڭ ەڭبەك سىڭىرگەن ءارتىسى روزا جامانوۆانىڭ قايتىس بولۋىنا بايلانىستى ونىڭ وتباسى مەن تۋعان-تۋىستارىنا كوڭىل ايتۋ جەدەلحاتىن جولدادى, دەپ حابارلادى پرەزيدەنتتىڭ ءباسپاسوز قىزمەتى.
مەملەكەت باسشىسى نۇرسۇلتان نازارباەۆ كسرو-نىڭ حالىق ءارتىسى جانە قازاق كسر-ءىنىڭ ەڭبەك سىڭىرگەن ءارتىسى روزا جامانوۆانىڭ قايتىس بولۋىنا بايلانىستى ونىڭ وتباسى مەن تۋعان-تۋىستارىنا كوڭىل ايتۋ جەدەلحاتىن جولدادى, دەپ حابارلادى پرەزيدەنتتىڭ ءباسپاسوز قىزمەتى.
مەملەكەت باسشىسى روزا ۇمبەتقىزىنىڭ بۇكىل شىعارماشىلىق ءومىرىن اباي اتىنداعى قازاق مەملەكەتتىك وپەرا جانە بالەت تەاترىنا ارناعان ايتۋلى ونەر يەسى ەكەنىن اتاپ وتكەن.
«ول اسەم داۋىسىنىڭ ارقاسىندا وتاندىق جانە الەمدىك وپەرالىق تۋىندىلاردىڭ باستى اريالارىنىڭ كوبىن ۇلكەن شەبەرلىكپەن ورىنداپ, ونەرسۇيەر قاۋىمنىڭ شىنايى سۇيىسپەنشىلىگىنە بولەندى. گاسترولدىك ساپارلارعا شىعىپ, الىستاعى اۋىلدار مەن شەتەل ساحنالارىندا دا ءان شىرقادى. سونىمەن قاتار, كونسەرۆاتوريادا ءدارىس وقىپ, لايىقتى ءىزباسارلارىن دايارلادى. ءوز ونەرىمەن جانە ەڭبەگىمەن ەل قۇرمەتىنە بولەنىپ, كەزىندە كسرو جانە قازاق كسر جوعارى كەڭەسىنىڭ دەپۋتاتى بولىپ سايلاندى, سونداي-اق, مەملەكەتتىك ناگرادالارمەن ماراپاتتالدى», دەلىنگەن جەدەلحاتتا.
قازاقستان پرەزيدەنتى روزا جامانوۆانىڭ ەسىمى مەن ونەرى ءاردايىم حالقىمىزبەن بىرگە جاساي بەرەتىنىن اتاپ وتكەن.