الماتى اكىمى باقىتجان ساعىنتاەۆ Twitter-دەگى اككاۋنتىندا فرانتسيانىڭ MEDEF International بيزنەس-قاۋىمداستىعىمەن كەزدەسۋى جايلى ايتىپ ءوتتى. بۇل كەزدەسۋدە الماتى ەكونوميكاسىنىڭ ءتۇرلى سالالارىندا سەرىكتەستىكتى دامىتۋ ماسەلەلەرى تالقىلاندى, دەپ حابارلايدى Egemen.kz
كەزدەسۋدە «ينۆەستيتسيا, دەنساۋلىق ساقتاۋ, ساۋدا, تۋريزم سياقتى سالالارداعى ارىپتەستىك قاتىناستى دامىتۋ ماسەلەسىن تالقىلاپ, ىنتىماقتاستىقتىڭ پەرسپەكتيۆالىق باعىتتارىن قارالدى», دەپ جازدى مەگاپوليس باسشىسى.
MEDEF – فرانتسيا ۇكىمەتىنىڭ الەۋمەتتىك جانە ەكونوميكالىق كەلىسسوزدەردەگى سەرىكتەسى. ءارى بارلىق سالالارداعى 800 مىڭ فرانتسۋز كاسىپورىندارىن بىرىكتىرەتىن MEDEF – «فرانتسيا كاسىپورىندارىنىڭ قوزعالىسى» فرانتسياداعى ەڭ ءىرى جۇمىس بەرۋشىلەر فەدەراتسياسى بولىپ تابىلادى.
بۇگىندە قازاقستاندا فرانتسۋز كاپيتالى ءتۇرلى سالالاردا 200-دەن استام كاسىپورىندارعا سالىنعان. ولاردىڭ قاتارىندا Total, Orano, Alstom جانە باسقا دا ءىرى ترانسۇلتتىق كورپوراتسيالار بار. تاۋەلسىزدىك جىلدارى فرانتسيا كومپانيالارى قازاقستانعا 16,4 ملرد دوللاردان استام ينۆەستيتسيا سالدى.
ەكى ەلدىڭ بيزنەس قۇرىلىمدارى اراسىنداعى ءوزارا ءتيىمدى ىنتىماقتاستىقتى نىعايتۋدا ەنەرگەتيكا, سۋ شارۋاشىلىعى جانە تۇرعىن ءۇي-كوممۋنالدىق ينفراقۇرىلىمىن جاڭعىرتۋ, تسيفرلىق دەنساۋلىق ساقتاۋ, بيومەتريالىق جۇيەلەر, اۆتوموبيل قۇراستىرۋ, ترانسفورماتور ءوندىرىسى, عارىشتىق جەرسەرىكتەردى قۇراستىرۋ جانە ت.ب. سالالارداعى بىرلەسكەن جوبالار بار.