شىمكەنتتە «ميگرانت» پروفيلاكتيكالىق ءىس-شاراسى بارىسىندا ىزدەۋدە جۇرگەن ءتورت قىلمىسكەر ۇستالدى, دەپ حابارلايدى Egemen.kz Polisia.kz سايتىنا سىلتەمە جاساپ.
كوشى-قون زاڭناماسى بويىنشا ءۇش قىلمىستىق جايت انىقتالدى.2021 جىلدىڭ 15-19 اقپان ارالىعىندا شىمكەنت قالاسى پوليتسيا دەپارتامەنتىنىڭ قىزمەتكەرلەرىمەن جۇرگىزىلگەن «ميگرانت» پروفيلاكتيكالىق ءىس-شاراسى بارىسىندا قازاقستان رەسپۋبليكاسىنا كەلىپ-كەتۋ جانە بولۋى بويىنشا كوشى-قون زاڭناماسىن بۇزعان 245 شەتەلدىك جانە 74 قازاقستان رەسپۋبليكاسىنىڭ ازاماتى انىقتالدى.
2018-2020 جىلدار ارالىعىندا كوشى-قون زاڭناماسىن بۇزعان سەگىز شەتەلدىكتەر سوت شەشىمىن ورىنداماي جۇرگەنى انىقتالىپ, ەل اۋماعىنان شىعارىلدى.
ءىس-شارا بارىسىندا شەتەل ازاماتىن زاڭسىز تۇرعىن ۇيمەن قامتاماسىز ەتكەن 59 جانە شەتەل جۇمىس كۇشىن زاڭسىز پايدالانعان 15 قازاقستان رەسپۋبليكاسىنىڭ ازاماتتارى انىقتالدى. ولارعا قر اقبتك-ءنىڭ 518 جانە 519-باپتارى بويىنشا اكىمشىلىك جاۋاپكەرشىلىككە تارتىلدى.قر قىلمىستىق كودەكسىنىڭ 394-بابى بويىنشا ءۇش جايت انىقتالدى. سونداي-اق, ىزدەۋدە جۇرگەن ءتورت قىلمىسكەر ۇستالدى. قوعامدىق ورىنداردا قايىرشىلىقپەن اينالىسىپ, ازاماتتاردى مازالاپ جۇرگەن ءۇش شەتەلدىك انىقتالدى. ولارعا قاتىستى قر اقبتك-ءنىڭ 449-بابى 3-بولىگىمەن اكىمشىلىك حاتتامالار تولتىرىلدى.