«ازاماتتارعا ارنالعان ۇكىمەت» مەملەكەتتىك كورپوراتسياسى ازاماتتارعا قىزمەت الۋ ىڭعايلى بولۋ ءۇشىن, كوپتەگەن سەرۆيستەردى ەنگىزىپ جۇرگەنىن كورىپ ءجۇرمىز. ولاردىڭ قاتارىندا پرواكتيۆتى قىزمەتتەر, قۇجاتتاردى, كولىك نومىرلەرى مەن جۇرگىزۋشى كۋالىگىن ۇيگە جەتكىزىپ بەرۋ قىزمەتتەرى بار. ەندى جەكە مەنەدجەر قىزمەتى ىسكە قوسىلۋدا, دەپ حابارلايدى Egemen.kz
مەملەكەتتىك قىزمەتتەردى حقو-عا بارماي-اق الۋعا كومەكتەسەتىن جەكە مەنەدجەر قىزمەتىن پايدالانۋ - ازاماتتاردىڭ ۋاقىتىن ۇنەمدەۋمەن جانە قولايلىلىعىمەن ۇتىمدى.
ول ءۇشىن, ەڭ الدىمەن حقو-عا بارىپ جەكە مەنەدجەرمەن كەلىسىمشارتقا وتىرۋ قاجەت. الاتىن قاجەتتى قىزمەتتەر ءتىزىمىن ۇسىنىپ, قىزمەت قۇنىن تولەيدى.
كەلىسىم-شارتقا وتىرعان ساتتەن باستاپ قۇجاتتاردى راسىمدەۋ ماشاقاتىنان قۇتىلىپ, حالىق كوپ شوعىرلاناتىن ورىنداردا دەنساۋلىعىڭىزدى قاتەرگە تىكپەيسىز.
«قىزمەت ناتيجەسىن ءسىز ايتقان جەرگە دەيىن اكەلىپ بەرەدى. كەلىسىم شارتتى 1 ايدان 1 جىلعا دەيىنگى مەرزىمگە جاساسۋعا بولادى. قازىرگى تاڭدا جەكە مەنەدجەرلەر فرونت-وفيستەردە وتىر. الداعى ۋاقىتتا جەكە مەنەدجەرلەر كەلىسىم بويىنشا قۇرىلىس كومپانيالارىندا دا وتىراتىن بولادى. ولار وسى كومپانيادان الىنعان جىلجىمايتىن م ۇلىكتى نوتاريۋسسىز راسىمدەۋ قىزمەتىن كورسەتەدى» - دەيدى «ازاماتتارعا ارنالعان ۇكىمەت» مەملەكەتتىك كورپوراتسياسى الماتى قالاسى فيليالىنىڭ ديرەكتورى دانيار قىرىقباەۆ.
جەكە مەنەدجەر قۇنى قاجەت قىزمەتتەر ءتىزىمى مەن قىزمەتتىڭ كۇردەلىلىگىنە قاراي باعالار پرەيسكۋرانتىنا سايكەس تاعايىندالادى.
جەكە تۇلعالار تولەمدى بىردەن جۇزەگە اسىرۋى ءتيىس. ال زاڭدى تۇلعالار قىزمەت اقىسىن اتقارىلعان جۇمىس اكتىسىنە سايكەس تولەيدى.