جۋىردا ەلىمىزدىڭ ساۋدا جانە ينتەگراتسيا ۆيتسە-ءمينيسترى ق.تورەباەۆ ءۇندىستان رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى پرابحات كۋماردىڭ قازاقستانداعى ميسسياسى مەرزىمىنىڭ اياقتالۋىنا بايلانىستى ونلاين-فورماتتا كەزدەسۋ وتكىزدى.
تاراپتار قازاقستان مەن ءۇندىستان اراسىنداعى ەكىجاقتى ساۋدا-ەكونوميكالىق ىنتىماقتاستىقتىڭ ءتۇرلى ماسەلەلەرى بويىنشا پىكىر الماستى, سونداي-اق قازاقستانداعى ەلشى مىرزانىڭ قىزمەتى كەزەڭىندەگى بىرلەسكەن جۇمىستىڭ ناتيجەلەرىن تالقىلادى.
كەلىسسوزدەر بارىسىندا وتكەن جىلدىڭ قىركۇيەك ايىندا Cاۋدا-ەكونوميكالىق ىنتىماقتاستىق جونىندەگى بىرلەسكەن جۇمىس توبىنىڭ 7-وتىرىسىنىڭ ءساتتى وتكىزىلۋى اتاپ ءوتىلدى, سونداي-اق ساۋدا-ەكونوميكالىق جانە عىلىمي-تەحنيكالىق ىنتىماقتاستىق جونىندەگى قازاقستان-ءۇندىستان ۇكىمەتارالىق كوميسسياسىنىڭ 14-وتىرىسىنا دايىندىق جۇمىستارى تالقىلاندى. قازاقستان-ءۇندىستان ىنتىماقتاستىعى تاراپتار ءوزارا ءىس-قيمىلدىڭ بارلىق باعىتتارى بويىنشا ءوزارا ءتيىمدى بايلانىستار سەرپىنىن قولداۋ ءۇشىن بارلىق كۇش-جىگەرىن جۇمساۋىنىڭ ناتيجەسىندە ورلەمەلى سىزىق بويىنشا دامۋدا.
بۇدان باسقا قازاقستان مەن ءۇندىستان اراسىنداعى 2020 جىلعى تاۋار اينالىمىنىڭ كولەمى 2,4 ملرد دوللاردى قۇرادى, بۇل الدىڭعى جىلدىڭ كورسەتكىشىنەن 27,3%-عا جوعارى (1,9 ملرد دوللار). 2020 جىلى قازاقستاننان ۇندىستانعا ەكسپورت 26,7%-عا ءوسىپ, 2 ملرد دوللاردى قۇرادى. بۇدان باسقا قازاقستان مەن ءۇندىستان اراسىنداعى ساۋدا كولەمىن قولداۋ جانە ۇلعايتۋ ءۇشىن قازاقستاندىق ساراپشىلار قازاقستاننان ءۇندىستان نارىعىنا شىعارىلۋى مۇمكىن الەۋەتتى تاۋارلاردىڭ تىزبەسىن دايىندادى. بۇل جالپى سوماعا الپىستان استام ءونىم اتاۋى 271,4 ملن دوللاردى كۇرايدى. مەتاللۋرگيا, تاماق, ماشينا جاساۋ, حيميا سالالارىنىڭ ونىمدەرىن, سونداي-اق قۇرىلىس تاۋارلارىن جانە ت.ب. جەتكىزۋدى ۇلعايتۋ مۇمكىندىگى بار.
سونداي-اق «قازاقينۆەست» اق جانە ءۇندى تاراپىمەن بىرلەسىپ وتكىزىلگەن سەمينار تالقىلاندى, ونىڭ تاقىرىبى ءۇندىستاننىڭ ورتالىق ازيا ەلدەرىمەن ەكونوميكالىق ىنتىماقتاستىقتى ۇلعايتۋ ماقساتىندا تەز وتەلەتىن جوبالارعا نىسانالى گرانتتىق كرەديتتەر بەرۋدى ۇسىندى.
كەزدەسۋ سوڭىندا ۆيتسە-مينيستر ەلشى مىرزانىڭ قىزمەت اتقارعان كەزەڭىندەگى ءتيىمدى قىزمەتى ءۇشىن العىسىن ءبىلدىرىپ, ونىڭ ءتۇرلى سالالارداعى قازاقستان-ءۇندىستان ىنتىماقتاستىعىنا قوسقان ۇلەسىن جوعارى باعالادى جانە وعان الداعى ەڭبەك جولىندا تابىس تىلەدى.