قالا اكىمىنىڭ ورىنباسارى ە. باباقۇماروۆ مەديتسينالىق ۇيىمداردىڭ قاداعالاۋشى كەڭەستەرىنىڭ توراعالارىمەن جانە باس دارىگەرلەرمەن كورپوراتيۆتى باسقارۋ جانە مەنەدجمەنت دەڭگەيىن كوتەرۋ ماسەلەلەرى بويىنشا كەڭەس وتكىزدى, دەپ حابارلايدى Egemen.kz.
وتىرىستا وتكەن جىلدىڭ قورىتىندىلارى شىعارىلدى, سونداي-اق الماتىداعى 63 مەديتسينالىق ۇيىمداردا قۇرىلعان قاداعالاۋشى كەڭەستەر قىزمەتىنىڭ كۇشتى جانە وسال جاقتارى قارالدى.
ەرجان باباقۇماروۆ بىرقاتار باعىتتار بويىنشا قاداعالاۋشى كەڭەستەردىڭ جۇمىسىن كۇشەيتۋ ءارى ساپاسىن ارتتىرۋ قاجەتتىگىن تاپسىردى. بۇل مەنەدجمەنتتىڭ اشىقتىعىن, ىشكى قاداعالاۋدى جانە تاۋەكەلدەردى باسقارۋدى جاقسارتادى.
قاداعالاۋشى كەڭەستەردىڭ مىندەتى - مەديتسينالىق ۇيىمداردىڭ قارجىلىق-شارۋاشىلىق قىزمەتىنىڭ تيىمدىلىگى مەن ساپاسىن ارتتىرۋ. وسىعان بايلانىستى ستراتەگيالىق جوسپارلاۋ, بيۋدجەتتەۋ جانە شىعىن جۇيەلەرىنىڭ جوعارى دەڭگەيىن قامتاماسىز ەتۋگە, سونداي-اق كورپوراتيۆتىك باسقارۋ قاعيداتتارىن كەڭەيتۋگە ەرەكشە نازار اۋدارۋ قاجەت.
قاداعالاۋشى كەڭەستەرىنىڭ جۇمىسىن جاقسارتۋ جانە ىنتالاندىرۋ ءۇشىن قالا اكىمىنىڭ ورىنباسارى ە. باباقۇماروۆ ولاردىڭ كورپوراتيۆتى باسقارۋعا قوسقان ۇلەستەرىن دەر كەزىندە باعالاۋدى تاپسىردى.