2 ءساۋىر كۇنى استانا ۋاقىتىمەن ساعات 12:39-دا قىتايدىڭ شىڭجاڭ وڭىرىندە جەر سىلكىنىسى تىركەلدى. بۇل تۋرالى قازاقستاننىڭ ۇلتتىق دەرەكتەر ورتالىعى حابارلادى, دەپ جازادى Egemen.kz.
سەيسمولوگتاردىڭ مالىمەتىنشە, جەراستى ءدۇمپۋىنىڭ قۋاتى 5,1 بالدى قۇراعان. ءزىلزالا وشاعى ءۇرىمشى قالاسىنان 30 شاقىرىم جەردە ورنالاسقان.
ايتا كەتەيىك, بۇل ايماقتا سوڭعى ۋاقىتتا سەيسميكالىق بەلسەندىلىك جيىلەگەن. ماسەلەن, ءدال وسى كۇنى تاڭعى ساعات 04:28-دە قىرعىزستان اۋماعىندا دا ماگنيتۋداسى 4,9 بولاتىن جەر سىلكىنىسى بولعان ەدى. سونىمەن قاتار 31 ناۋرىزدا قازاقستاننىڭ جەتىسۋ وبلىسىندا قۋاتى 5,4 بالدىق جەراستى ءدۇمپۋى تىركەلگەن بولاتىن.
قىرعىزستاندا جەر سىلكىنىسى تىركەلدى
قازىرگى ۋاقىتتا شىڭجاڭداعى ءزىلزالادان زارداپ شەككەندەر مەن قيراۋلار تۋرالى اقپارات تۇسكەن جوق.