شىمكەنتتەگى قورعانىس مينيسترلىگى اسكەري-تەحنيكالىق مەكتەبىنىڭ فيليالىندا كۋرسانتتار «داربازا» پوليگونىندا اك-74 قارۋىنان وق اتۋ تاپسىرمالارىن ورىندادى.
اتىس جاتتىعۋلارى – əسكەري مىندەتتىلەر رەزەرۆىن دايارلاۋدىڭ ماڭىزدى كەزەڭى. ولاردى ورىنداۋ تەوريالىق ءبىلىمدى بەكىتۋگە, قاجەتتى داعدىلار مەن اتۋ ادىستەرىن دامىتۋعا, توتەنشە جاعدايلارعا پسيحولوگيالىق تۇراقتىلىقتى دامىتۋعا كومەكتەسەدى.
باقىلاۋ اتىس جاتتىعۋلارىن ورىنداعانعا دەيىن مەكتەپ تاربيەلەنۋشىلەرى اك-74 قارۋىن شاشۋ, جيناۋ جانە تازالاۋدى ۇيرەندى, قارۋ-جاراق, وق-دارىلەرمەن جۇمىس ىستەۋ ەرەجەلەرى جانە قاۋىپسىزدىك شارالارى بويىنشا سىناقتار تاپسىردى.
وقۋ ورىندارىندا تاربيەلەنۋشىلەر وق اتۋعا دايىندىق نورماتيۆتەرىن, نىسانانى كوزدەۋ تاسىلدەرىن ۇيرەندى. كۋرسانتتار بارلىق وقۋ مىندەتتەرىن ءساتتى ورىندادى.
ء«بىز ءۇشىن پراكتيكالىق اتىس – بۇل تەوريالىق بولىكتىڭ دامۋىن تەكسەرۋ. مامانداردىڭ باسشىلىعىمەن وتەتىن دايىندىق بىزگە قويىلعان مىندەتتەردى ساۋاتتى جانە ناقتى ورىنداۋعا كومەكتەسەدى», دەپ ءتۇسىندىردى مەكتەپ كۋرسانتى ەرسۇلتان توقسانباي.
قورعانىس مينيسترلىگىنىڭ اسكەري-تەحنيكالىق مەكتەبىندە اقىلى نەگىزدە 24 جاستان 27 جاسقا دەيىنگى, دەنساۋلىق جاعدايى بويىنشا اسكەري قىزمەتكە جارامدى نەمەسە شەكتەۋلى جارامدى, ونىڭ ىشىندە اسكەري قىزمەتكە شاقىرۋدان كەيىنگە قالدىرىلعان جاستار ءبىلىم الادى. قىرىق كۇن بويى ولار اسكەري دايىندىقتىڭ نەگىزگى پاندەرىن وقيدى, سودان كەيىن ەمتيحان تاپسىرادى جانە اسكەري انت قابىلدايدى.