الماتى قالاسىنىڭ وڭىرلىك كوممۋنيكاتسيالار قىزمەتى الاڭىندا وتكەن بريفينگ بارىسىندا تاۋعا شىعۋ كەزىندەگى قاۋىپسىزدىك شارالارى تۋرالى ءتۇسىندىرىلدى.
الماتى قالاسى قۇتقارۋ قىزمەتىنىڭ باسشىسى دميتري چۋحونتسەۆ حابارلامالارعا بەي-جاي قاراماۋعا شاقىردى. بۇل كۇندەرى توتەنشە جاعدايلار دەپارتامەنتى تاۋداعى ءىس-ارەكەتتەر جونىندە سمس ارقىلى دا, ۆيزۋالدى جادىناما تاراتۋ ارقىلى دا حالىقتى قۇلاقتاندىرۋ جونىندە ۇلكەن جۇمىستار اتقارۋدا.
دميتري چۋحونتسەۆ سونىمەن بىرگە تاۋعا شىعاتىندارعا ارنالعان ۇسىنىستارىمەن ءبولىسىپ, ء«سىز قايدا باراتىنىڭىز, قاي باعىتقا بەت العىنىڭىزدى, قاي نۇكتەنى باعىندىرۋدى جوسپارلاعانىڭىز تۋرالى بىرنەشە ادامعا حابارلاۋ قاجەت. ياعني, تانىستارىڭىز ماكسيمالدى اقپارات پەن جوسپارلانعان قايتۋ ۋاقىتىن ءبىلۋى ءتيىس», دەپ ءتۇسىندىردى.
سونىمەن قاتار, «ادام ءوزىن تاۋداعى اۋا-رايىنىڭ قانداي بولاتىندىعى تۋرالى اقپاراتپەن تولىق قامتاماسىز ەتۋى كەرەك. مۇمكىندىگىنشە العان باعىتىڭىزدى ەرتەرەك باستاڭىز جانە ءوز كۇشىڭىزدى كۇندىزگى ۋاقىتقا ەسەپتەڭىز, سونىمەن قاتار ءتيىستى جابدىقتى دايىنداڭىز: كيىم, ريۋكزاك, اياق كيىم, شام جانە باسقا جابدىقتار».قۇتقارۋ قىزمەتىنىڭ باسشىسى سونداي-اق بىلاي دەپ قوستى: «وزىڭمەن بىرگە ۇنەمى سۇيىقتىق جانە از مولشەردە قورەك بولۋ كەرەك. بۇل ازىق-ت ۇلىكتىڭ كوپ مولشەرى بولماۋى كەرەك, بىراق جاڭعاقتار مەن شوكولاد سياقتى جوعارى كالوريالى تاعامدار بولۋى كەرەك».
سونىمەن قاتار, جاڭادان باستاۋشىلارعا بولەك ۇسىنىستار بەرىلدى.
«تاۋدا بولۋ تاجىريبەسىن ەسكەرۋ قاجەت. ەگەر ءسىزدىڭ تاجىريبەڭىز بولماسا, وندا ماقساتىڭىز ءبىزدىڭ الماتى وڭىرىندەگى شىڭداردى باعىندىرۋ (قيىندىعى جونىنەن) بولماۋى كەرەك. سونداي-اق, العان باعىتپەن ءجۇرۋ ءۇشىن الدىمەن ونى تولىعىمەن زەرتتەۋ كەرەك. ەگەر ءسىز ءبىرىنشى رەت شىققان بولساڭىز, وندا ءسىزدى قانداي دا ءبىر تاۋعا دەيىن كاسىبي تۇردە جەتەلەيتىن تاجىريبەلى نۇسقاۋشىمەن (ينسترۋكتورمەن) جاساعان دۇرىس», دەپ اتاپ ءوتتى سپيكەر.
ونىڭ ايتۋىنشا, «بارلىق جاۋاپسىز ارەكەتتەر قايعىلى سالدارعا اكەلۋى مۇمكىن ەكەنىن ءتۇسىنۋ كەرەك». وسىعان بايلانىستى دميتري چۋحونتسەۆ بارلىعىن قاۋىپسىزدىك شارالارىن ساقتاۋعا جانە توتەنشە جاعدايلار دەپارتامەنتىنىڭ حابارلامالارىنا بەي-جاي قاراماۋعا شاقىردى.