قۇرىلىس سالاسىندا 2020 جىل نەسىمەن ەستە قالدى؟

تەحنيكالىق رەتتەۋ

2020 جىلى ەۋروكودتارعا (قۇرىلىستاعى ەۋروپالىق ستاندارتتار) تولىق كوشۋگە بايلانىستى جالپى قۇرىلىس ماسەلەلەرى (جوسپارلاۋ, ينجەنەريا جانە ت. ب.), سونداي-اق ەسەپتەۋ جانە جوبالاۋ بويىنشا 256 قنجە جويىلدى.

قازاقستان رەسپۋبليكاسىنىڭ قۇرىلىس ەرەجەلەرى سياقتى الماتى قالاسى ءۇشىن اسا ماڭىزدى «سەيسميكالىق شاعىن اۋدانداستىرۋدى ەسەپكە الا وتىرىپ, الماتى قالاسىنىڭ اۋماعىندا قۇرىلىس سالۋ» نورماتيۆتىك قۇجاتى ازىرلەنىپ, قابىلداندى.

«ينجەنەرلىك كوممۋنيكاتسيالاردى كولدەنەڭ باعىتتالعان بۇرعىلاۋمەن توسەۋ» قازاقستان رەسپۋبليكاسىنىڭ قۇرىلىس ەرەجەلەرى ازىرلەندى.

ۇيىمداردىڭ وتىنىشتەرى بويىنشا ۇلتتىق قوسىمشالارى بار ەۋروكودتاردى قولدانۋدى تالداۋ بويىنشا جۇمىس جالعاسۋدا (ەۋروكودتار مەن ۇلتتىق ۇسىنىستاردى, نورماتيۆتىك-تەحنيكالىق قۇرالداردى تۇزەتۋ جونىندەگى ۇسىنىستار ۋاكىلەتتى ورگانعا قاراۋعا جانە بەكىتۋگە جىبەرىلدى).

سەيسميكاعا ءتوزىمدى قۇرىلىس

2020 جىلى ينستيتۋت ماماندارى «Modex» زاۋىتىنىڭ كولەمدى بلوكتارىن قازاقستان ءۇشىن بىرەگەي سىناۋلاردان وتكىزدى. كولەمدى بلوكتاردى پايدالانۋ قازاقستاننىڭ قۇرىلىس سالاسىن تۇبەگەيلى وزگەرتپەك: كولەمدى بلوكتاردى پايدالانا وتىرىپ, 16 قاباتتى تۇرعىن ءۇي سالۋ ءۇشىن بار بولعانى 4 اي قاجەت بولادى.

سونىمەن قاتار, 2020 جىلعى ماڭىزدى جوبالاردىڭ ءبىرى الماتى قالاسىنىڭ زەردەلى شاعىن اۋدانىنداعى 31 تۇرعىن ءۇيدى تەحنيكالىق تەكسەرۋدىڭ اياقتالۋى بولىپ تابىلادى. قيسايعان ۇيلەردى تۇزەۋ بويىنشا ۇسىنىستار بەرىلدى, 2020 جىلى 1/179-ءۇيدىڭ تىكتىگىن قالپىنا كەلتىرۋ جۇزەگە اسىرىلدى. 2021 جىلى جۇمىستار جالعاسادى دەپ جوسپارلانۋدا.

62 ارنايى تەحنيكالىق شارت (اتش) ازىرلەنىپ, تەحنيكالىق جاي-كۇيى تۋرالى 257 قورىتىندى بەرىلدى. 3 ۆيبروديناميكالىق ستەندتىك سىناۋ وتكىزىلدى.

«ينستيتۋت 2020 جىلى دامۋ جوسپارى بويىنشا بارلىق نەگىزگى كورسەتكىشتەرگە قول جەتكىزدى», جايمبەتوۆ مارحابات جايىمبەت ۇلى, قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگىنىڭ قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ توراعاسى.