«Astana Musical» مەملەكەتتىك تەاترى «COVID-19» اتتى جاڭا تۋىندىنى ۇسىنادى, دەپ حابارلايدى Egemen.kz7
سپەكتاكلدىڭ اتاۋى ايتىپ تۇرعانداي, باستى نازاردا – 2020 جىلدىڭ ەڭ تانىمال سوزىنە اينالعان «COVID-19» ماسەلەسى. قويىلىمدا ويدان شىعارىلعان كەيىپكەرلەر مەن ۇيرەنشىكتى پافوسقا تولى وبرازدار جوق. تۋىندى تولىعىمەن ءومىرىمىزدىڭ قازىرگى بولمىسىن كورسەتەتىن شىنايى وقيعالارعا نەگىزدەلگەن. «COVID-19» حورەوگرافيالىق سپەكتاكلى – بۇل ماڭگىلىك قۇندىلىقتار تۋرالى پايىمداۋلار, ادامداردىڭ كارانتين كەزىندەگى ىشكى وي-تولعانىسى, سانامىزداعى وزگەرىستەر, كوپشىلىكتىڭ قيسىنسىز ارەكەتتەرى مەن ويعا قونىمسىز تۇسىنىكتەرى, سونىڭ ناتيجەسىندە جاقىندارىنان ايىرىلعان ازاماتتاردىڭ قايعى-قاسىرەتى...
الەمدى كۇرت وزگەرتكەن COVID-19» پاندەمياسى ءبىزدى وزگەرتە الدى ما؟ ساقتىق شارالارى مەن شەكتەۋلەرگە دەيىنگى ءومىر قايتا ورالا ما؟ وسى جانە وزگە دە وزەكتى ساۋالداردىڭ جاۋابىن كورەرمەندەر «COVID-19» اتتى حورەوگرافيالىق سپەكتاكلدەن تابادى.
سپەكتاكلدىڭ رەجيسسەر-حورەوگرافى – «Astana Musical» تەاترىنىڭ ءارتيسى انەل مىرزاعۇلوۆا, مۋزىكالىق تۋىندىلاردى «Astana Musical» ءارتيسى اقجول ومىرزاقوۆ جازعان.
تەاتردىڭ كوركەمدىك جەتەكشىسى ەسلام نۇرتازين.
جاڭا قويىلىم 26-27 اقپاندا ساعات 19.30-دا «قازاقستان» وكز-دا (ماڭگىلىك ەل, 10/1) وتەدى.