وتكەن جىلدان بەرى قىزىلوردا وبلىسىنان گەرمانياعا 685 توننا قامىس جونەلتىلدى. ايماقتا اۋىل شارۋاشىلىعى ونىمدەرىن سىرتقا جونەلتۋ كولەمى 9 پايىزعا وسكەن. بۇل تۋرالى وبلىس اكىمى گۇلشارا ابدىقالىقوۆا حالىق الدىنداعى العاشقى ەسەبىندە باياندادى, دەپ حابارلايدى Egemen.kz.
ء«بىز الەمنىڭ 17 ەلىنە اۋىل شارۋاشىلىعى ونىمدەرىنىڭ 11 ءتۇرى ەكسپورتتادىق. وتكەن جىلى كۇرىششىلەرىمىز گەكتارىنا 61,8 تسەنتنەردەن ءونىم الىپ, 550 مىڭ توننادان استام كۇرىش جيناپ, جوعارى كورسەتكىشكە قول جەتكىزدىك. سونداي-اق, بالىق شارۋاشىلىعىن دامىتۋدىڭ 2030 جىلعا دەيىنگى وڭىرلىك باعدارلاماسىن ازىرلەدىك. وعان شامامەن الداعى جىلداردا كەزەڭ-كەزەڭىمەن 29 ملر. تەڭگە باعىتتالاتىن بولادى», دەدى گۇلشارا ابدىقالىقوۆا.
وڭىردە 2030 جىلعا دەيىن 55 كول-تاۋارلى بالىق ءوسىرۋ شارۋاشىلىعى, 12 توعان جانە 16 تور شارۋاشىلىعى قۇرىلىپ, 3 جابىق سۋمەن جابدىقتاۋ قۇرىلعىسى سالىناتىن بولادى.