مەملەكەت باسشىسى تۇرعىن ءۇي قۇرىلىسى كەزىندە جەرگىلىكتى قامتۋ ۇلەسىن ارتتىرۋ تۋرالى قر يدم-گە تاپسىرما بەردى. بۇل بيزنەس ءۇشىن قۇرىلىس ماتەريالدارىنىڭ وتاندىق نارىعىن دامىتۋعا قوسىمشا مۇمكىندىك بەرەدى, دەپ حابارلايدى Egemen.kz.
مينيسترلىك نارىقتىڭ وسى سالاسىندا 24 نەگىزگى پوزيتسيا بويىنشا تالداۋ جۇرگىزدى (تەمىر-بەتون بۇيىمدارى, قۇرعاق قوسپالار, لينولەۋم, تۇسقاعازدار, سانفايانس, قابىرعا بلوكتارى, كىرپىشتەر, جىلۋ وقشاۋلاۋ, ءپروفيلدى پاراقتار, پلاستيكالىق قۇبىرلار جانە ت.ب.). وتاندىق وندىرۋشىلەر 10 پوزيتسيا بويىنشا ىشكى نارىقتىڭ قاجەتتىلىگىن تولىعىمەن وتەيدى (تەمىربەتون بۇيىمدارى, قۇرعاق قوسپالار, قابىرعا بلوكتارى, كىرپىشتەر جانە ت.ب.).
11 ءونىم تۇرلەرى بويىنشا ەلىمىزدەگى كاسىپورىندار ءوندىرىستىڭ شامامەن 50% (جىلۋ وقشاۋلاۋ, پروفليستتەر, پلاستيكالىق قۇبىرلار جانە ت.ب.) قامتاماسىز ەتەدى. ال 3 پوزيتسيا بويىنشا (لينولەۋم, تۇسقاعاز, سانفايانس) قازىرگى ۋاقىتتا ىشكى نارىقتا ءوندىرىس جوق.