الماتى قالاسى ءماسليحاتىنىڭ دەپۋتاتتارى كوروناۆيرۋسقا قارسى ەكپە سالدىردى. VII سايلانىم دەپۋتاتتارىنان قۇرالعان باستاماشى توپ ۆاكتسينا سالۋعا العاشقىلاردىڭ ءبىرى بولىپ ەرىك ءبىلدىردى.
ەكپە الماتى قالاسىنداعى №5 ەمحانادا سالىندى. الماتىلىق ءماسليحات دەپۋتاتتارى الدىمەن دارىگەرلەردىڭ تەكسەرۋىنەن ءوتىپ, قان تالداماسىن تاپسىردى. ەكپە سالدىرعاننان كەيىن 30 مينۋت بويى دارىگەر باقىلاۋىندا بولدى.
"پاندەميا كەزىندە كوروناۆيرۋس جۇقتىرىپ الۋ قاۋپى ۆاكتسينا سالدىرۋ قاۋپىمەن سالىستىرعاندا الدەقايدا جوعارى ەكەنىن تۇسىنەمىن. ءبىز ادامدار اراسىندا ءجيى جۇرەمىز, سوندىقتان ۆاكتسينا وتە ماڭىزدى. ددۇ پايىمداۋىنشا, جاپپاي ۆاكتسينالاۋدىڭ ارقاسىندا عانا پاندەميانى توقتاتىپ, ادامداردىڭ ءومىرىن ساقتاپ قالۋعا بولادى", - دەدى الماتى قالالىق ءماسليحاتىنىڭ دەپۋتاتى ستانيسلاۆ كانكۋروۆ.
2021 جىلدىڭ 1 اقپانىنان باستاپ حالىقتى جاپپاي ۆاكتسينالاۋعا ارنالعان اۋقىمدى كامپانيا باستالدى.
"دارىگەر بولعاندىقتان, كوروناۆيرۋستىڭ تارالۋىنا جاپپاي ۆاكتسينا سالدىرۋ عانا قارسى تۇرا الاتىنىن تۇسىنەمىن. يممۋنداۋ اۋرۋ قاۋپىن بىرنەشە ەسەگە ازايتاتىنىن ءتۇسىنۋىمىز كەرەك. بۇگىن ارىپتەستەرىمىزبەن بىرگە حالىقتىڭ قاۋىپسىزدىگى ءبىز ءۇشىن اسا ماڭىزدى ەكەنىن كورسەتكىمىز كەلەدى. بۇل ۆيرۋستى وسىلاي عانا جەڭە الامىز", - دەدى الماتى قالالىق ءماسليحاتىنىڭ دەپۋتاتى ءاسيا اقانوۆا.
قازاقستاندا كوروناۆيرۋستان ۆاكتسينالاۋ تەگىن جانە ەرىكتى تۇردە ءجۇرىپ جاتىر.
ەستەرىڭىزگە سالساق, الماتى قالاسى ءماسليحاتى ءوز قىزمەتىنىڭ اشىق ءارى تازا بولۋىن قاتاماسىز ەتۋگە بار كۇشىن سالىپ كەلەدى.