باتىس قازاقستان وبلىسىنىڭ قۇتقارۋشىلارى وتكەن جىلى تۇرعىن ۇيلەر مەن ءليفتىنىڭ ەسىگىن اشىپ, تۇرعىنداردى قۇتقارۋ ءۇشىن 235 مارتە جولعا شىعىپتى. ال بيىل قاڭتار-اقپان ايلارىندا 29 رەت وسىنداي قىزمەت كورسەتكەن.
ومىردە ءتۇرلى جاعداي بولادى عوي. اتا-اناسى جۇمىسقا كەتكەن كەزدە نەمەسە باسقا دا جاعدايدا جاس بالالاردىڭ ءۇي ىشىندە ق ۇلىپتالىپ, كومەككە مۇقتاج بولىپ جاتاتىن كەزى كوپ كەزدەسەدى. سونداي-اق كوپ قاباتتى تۇرعىن ۇيلەردىڭ ليفتىلەرى دە كەيدە ىستەن شىعىپ, ىشىندە ادام قالىپ قويادى. مۇنداي كەزدە ارينە, ەڭ ءبىرىنشى قوڭىراۋ قۇتقارۋ قىزمەتىنە تۇسەدى.
ماسەلەن, 2020 جىلى ورال قالاسىندا قۇتقارۋشىلار جاس بالانىڭ ومىرىنە قاۋىپ-قاتەر تونگەن كەزدە 55 ەسىكتى بۇزىپ اشقان. سىرقاتى بار ادامدارعا كومەك كورسەتۋ ماقساتىندا – 74, پوليتسيا قىزمەتكەرلەرىنە كومەك كورسەتۋ ءۇشىن – 76 مارتە قىزمەت كورسەتىپتى. تۇرمىستىق گاز اپاتىنىڭ الدىن الۋ ءۇشىن 24 ەسىكتى «توتەنشەلىكتەر» كومەگىمەن اشۋعا تۋرا كەلگەن. ءتىپتى ءوز-وزىنە قول جۇمساۋ ارەكەتى بايقالعان وقيعالار كەزىندە دە 5 ەسىك ەركىنەن تىس اشىلعان. ال ليفتىدە قامالىپ قالۋ وقيعاسى 39 رەت قايتالانىپتى.
- بيىل جىل باسىنان بەرى ءبىزدىڭ ارىپتەستەرىمىز قۇتقارۋ دابىلىمەن 29 مارتە جولعا شىقتى. ونىڭ 5 وقيعاسىندا جاس بالالاردى قۇتقارسا, 8 رەت سىرقات ادامدارعا جاردەمدەستى. 14 وقيعا پوليتسيا قىزمەتكەرلەرىنىڭ وتىنىشىمەن بولدى. ليفتىدە قالىپ قويعان ادامداردى 2 رەت قۇتقاردى, - دەيدى باتىس قازاقستان وبلىستىق توتەنشە جاعدايلار دەپارتامەنتىنىڭ ءباسپاسوز حاتشىسى باكيزات ماعزەنوۆا.
باتىس قازاقستان