پاندەميا قىسپاققا العان 2020 جىلى ەلىمىزگە بىرقاتار مەملەكەتتەن گۋمانيتارلىق كومەك كەلگەنى بەلگىلى. ءتىپتى, كەلگەن زاتتاردىڭ «سق فارماتسيا» قويماسىندا ايلاپ جاتىپ قالىپ, ونىڭ سوڭى قوعامدىق شۋعا ۇلاسقانىن دا ەل ءالى ۇمىتا قويعان جوق. قازاقستاننىڭ ءوزى باسقا ەلدەرگە 3 ملن دوللار كولەمىندە گۋمانيتارلىق كومەك جىبەرگەن.
قازاقستانعا بىلتىر جالپى كولەمى 19 ملن دوللاردىڭ كومەگى كەلگەن. سونىڭ تەڭ جارتىسى قىتايعا تيەسىلى ەكەن. قحر قازاقستانعا 10 ملن دوللار كولەمىندە كومەك اتتاندىرعان. نەگىزى پاندەمياعا دەيىن, 2019 جىلى قىتايدان بىردە-ءبىر گۋمانيتارلىق كومەك الماپپىز. ال 2019 جىلى بىزگە كومەك كورسەتۋ بويىنشا گەرمانيا كوش باستاعان. نەمىستەر كومەك لەگىن 2020 جىلى دا جالعاستىرىپ, 2,2 ملن دوللارعا باعالاناتىن قاجەتتى زاتتار جىبەرگەن. دەگەنمەن بۇل كورسەتكىش 2019 جىلمەن سالىستىرعاندا 3,7 ەسە از. ودان كەيىنگى ورىنداردا ءۇندىستان جانە كاتار ەلدەرى تۇر. ال اقش-تىڭ بىزگە جىبەرگەن كومەگى 3,1 ملن دوللارعا باعالانادى. بۇل 2019 جىلمەن سالىستىرعاندا 2,4 ەسە كوپ.
بىلتىر اقشالاي تۇردە الىنعان گۋمانيتارلىق كومەكتىڭ باسىم بولىگى ماشينا جانە جابدىقتاۋعا تيەسىلى: 6,5 ملن دوللار (7,7 ەسە ءوسىم). سونداي-اق جالپى كولەمنىڭ 31 پايىزىن كيىم مەن اياق كيىم قۇراعان: 5,9 ملن دوللار (9 ەسە ءوسىم). بۇل ورايدا مەديكامەنتتەردەن تۇراتىن گۋمانيتارلىق كومەك 2,3 ەسە قىسقارىپ, 1,7 ملن دوللاردى قۇراپتى.