بيىل العاش رەت قىسقى مەديا مەكتەپ جۇمىسى ونلاين ءوتتى. «Qazaq Radiosy» 100 جىلدىعى جانە بۇكىلالەمدىك راديو كۇنىنە ارنالعان «قولجەتىمدى راديو ارتۇرعىنعا جانە بارشا حالىققا: COVID-19 پاندەمياعا قارسى كۇرەستە» تاقىرىبىندا ءVىىى حالىقارالىق جۋرناليستيكا جانە كوممۋنيكاتسيا قىسقى مەكتەبىنىڭ اشىلۋىندا فاكۋلتەت دەكانى ساعاتبەك مەدەۋبەك 100 جىلدىق ءۇنجاريانىڭ قوعامداعى ءرولىن ەرەكشە اتاپ, شاراعا نۇر-سۇلتان قالاسىنان «قازاق راديولارى» جشس باس ديرەكتورى ەرنۇر بۋراحان باستاعان راديو ۇجىمى, ەلىمىزدىڭ وڭىرلەرىنەن, ەۋروپا, اقش, رەسەي, قىتاي, اۋعانستان, ۆەتنام, قىرعىزستان, وزبەكستان, تاجىكستان ەلدەرىنەن قاتىسقان پراكتيك مامانداردى, جۋرناليستيكا فاكۋلتەتى ستۋدەنتتەرى مەن وقىتۋشى-عالىمداردى راديو كۇنىمەن قۇتتىقتادى, دەپ جازادى Egemen.kz
2014 جىلدان بەرى ءال-فارابي اتىنداعى قازاق ۇلتتىق ۋنيۆەرسيتەتى الماتى يۋنەسكو كلاستەرلىك بيۋروسى قولداۋىمەن بۇكىلالەمدىك راديو كۇنىنە ارنالعان حالىقارالىق جۋرناليستيكا جانە كوممۋنيكاتسيا قىسقى مەكتەبىن وتكىزىپ كەلەدى. بۇل شارا ءبىلىم الىپ جۇرگەن جاستار مەن كاسىبي جۋرناليستەردىڭ مەديا الاڭىنا اينالدى.
قازۇۋ يۋنەسكو-نىڭ دۇنيەجۇزىلىك راديو كۇنىن: «جاڭا الەم. جاڭا راديو. ەۆوليۋتسيا. يننوۆاتسيا. توعىسۋ» اتتى تاقىرىپتارىن قولدادى. 2021 جىلى يۋنەسكو عاسىرلىق تاريحى بار راديوستانتسيالارعا ونىنشى رەت اتالاتىن حالىقارالىق كۇندى اتاپ ءوتۋ ۇسىنىلعان بولاتىن. بيىلعى راديو كۇنىن اتاپ ءوتۋ ءۇش تاقىرىپقا اياسىندا ءوتتى.
دامۋ. الەم وزگەرەدى, راديو داميدى. بۇل تاقىرىپ راديونىڭ ءتۇرلى ترانسفورماتسياعا تۇراقتىلىعى مەن ومىرشەڭدىگىن ەرەكشە تانىتادى.
يننوۆاتسيالار. الەم وزگەرەدى, راديو يننوۆاتسيالارعا يەمدى جانە ولاردى ومىرگە ەنگىزەدى. كەز كەلگەن ادامعا قولجەتىمدى موبيلدىك ەڭ جوعارى اقپارات قۇرالى رەتىندە راديونى جاڭا تەحنولوگيالارمەن جابدىقتاۋعا تۋرا كەلەدى.
ءوزارا بايلانىس. الەم وزگەرەدى, راديو ادامداردى بايلانىستىرادى. بۇل تاقىرىپ تابيعي اپاتتا, الەۋمەتتىك-ەكونوميكالىق داعدارىستا, ەپيدەميادا راديونىڭ ارقاسىندا قوعام وسى وقيعالاردى تىڭدايدى جانە كومەككە شاقىرا الادى.
راديونىڭ ادامزاتتى اعارتۋ مەن اقپاراتتاندىرۋدىڭ تەڭدەسسىز قۇرالى ەكەندىگىن اتاپ وتكەن ەرنۇر كوشەرحان ۇلى, 100 جىلدىقتىڭ اياسىندا اۋە تولقىنىندا تىڭدارمانىنا جول تاپقان جاڭا باعدارلامالار تۋرالى ەرەكشە اتاپ ءوتتى. پاندەميا جاعدايىندا جۋرناليستەرگە شىعارماشىلىق مۇمكىندىكتىڭ بەرىلۋى, قاشىقتان راديو جۇمىسىن ۇيىمداستىرۋدىڭ وڭ كەيستەرىمەن ءبولىستى. الماتىداعى يۋنەسكو كلاستەرلىك بيۋروسى مامانى سەرگەي كارپوۆ بۇكىلالەمدىك راديو كۇنىنىڭ جاھاندىق كۇن ءتارتىبىن اتادى. "جاڭا راديو. ەۆوليۋتسيا. يننوۆاتسيا. توعىسۋ».
يۋنەسكو كوتەرگەن باستى تاقىرىپتار اياسىندا راديونىڭ توتەنشە جاعدايداعى ادامداردىڭ ومىرىنە اراشا, قاتەرگە توسقاۋىل بولارلىق كۇشى اتالدى. قر بۇۇ جاھاندىق كوممۋنيكاتسيا دەپارتامەنتى وكىلى ۆلاستيميل سامەك رەپورتەرلەردىڭ لوكداۋن كۇندەرىندەگى جۇمىسىن ەرلىكپەن تەڭەدى. جۇقپالى اۋرۋمەن كۇرەستە راديو شىنايى اقپارات تاراتۋدىڭ شۇعىل, سەنىمدى, بۇقارالىق قۇرالى سانالدى. وسى رەتتە «قازاق راديولارلى» جشس تولقىنىندا ۇزدىكسىز تاراعان سOVID-19 پاندەمياسى كەزىندەگى جالعان اقپاراتپەن كۇرەستەگى اقپاراتتىق كۇرەسىن ەرەكشە اتادى. مەديا شارانىڭ سپيكەرلەرى قاتارىندا كولۋمبيا ۋنيۆەرسيتەتىنىڭ پروفەسسورى گۇلنار كەندىرباي, كومەنيۋس ۋنيۆەرسيتەتىنىڭ پروفەسسورى ۆلاديمير باتسيسين, التاي مەملەكەتتىك ۋنيۆەرسيتەتىنىڭ جۋرناليستيكا تەورياسىمەن پراكتيكاسى ءبولىمىنىڭ مەڭگەرۋشىسى, پروفەسسور ەلەنا ۆاسيلەۆنا لۋكاشەۆيچ, ج.بالاساعىن اتىنداعى قىرعىز ۇلتتىق ۋنيۆەرسيتەتىنىڭ جۋرناليستيكا فاكۋلتەتىنىڭ دەكانى اينا دۇيشەكەەۆا, وزبەكستان مەملەكەتتىك الەم تىلدەرى ۋنيۆەرسيتەتىنىڭ حالىقارالىق جۋرناليستيكا فاكۋلتەتىنىڭ دەكانى امرۋللو كاريموۆ, تاجىكستانداعى سلاۆيان ۋنيۆەرسيتەتى دوتسەنتى شاحودات سايبنازاروۆا قاتىسىپ, ۇلتتىق راديونىڭ دامۋى جايلى كوز سويلەدى.
شارانىڭ قورىتىندىسىندا ورتالىق ازيا ۋنيۆەرسيتەتتەرى جۋرناليستيكا عالىمدارى مەديا نارىقتاعى ورتاق ۇردىستەر مەن ۇلتتىق دامۋ مودەلىن سارالاتايىن عىلىمي-تالدامالىق جۋرنال شىعارۋدى ۇسىندى. ەۋرازيالىق كەڭىستىكتەگى مەديانىڭ وزەكتى ماسەلەلەرى, قوعامدىق تالقىلاۋلارى مەن وزات كەيستەرىن تالداۋ, ساراپتاۋ جۋرنالدىڭ باستى باعىتى بولماق.
2019 جىلى 23 قاراشادا بۇكىالەمدىك تەليۆەزيا كۇنى اياسىندا تاشكەنتتەگى يۋنەسكو قولداۋمەن وتكەن سەميناردا كوپۆەكتورلى ىنتىماقتاستىقتى ارتتىرۋ جانە ينتەگراتسيالاۋ ماقساتىندا ورتالىق ازيا ۋنيۆەرسيتەتتەرى جۋرناليستيكا جانە كوممۋنيكاتسيا اسسوتسياتسياسى قۇرىلىپ, العاش توراعالىقتى ميرزو ۇلىقبەك اتىنداعى وزبەكستان ۇلتتىق ۋنيۆەرسيتەتى جۋرناليستيكا فاكۋلتەتى اتقارىپ, 2021 جىلى بۇل ميسسيا ءال-فارابي اتىنداعى قازاق ۇلتتىق ۋنيۆەرسيتەتى جۋرناليستيكا فاكۋلتەتىنە تابىستاعان بولاتىن.
اتالمىش قىسقى مەكتەپ يۋنەسكو دەڭگەيىندە اتالاتىن بۇكىالەمدىك راديو كۇنىنە حالىقارالىق دەڭگەيدە ۇلەس قوسىپ وتىر.