الماتى قالاسىندا ت.ق. جۇرگەنوۆ اتىنداعى قازاق ۇلتتىق ونەر اكادەمياسى مەن «رۋحاني جاڭعىرۋ» قازاقستاندىق قوعامدىق دامۋ ينستيتۋتى» كەاق ءوزارا ىنتىماقتاستىق تۋرالى مەموراندۋمعا قول قويدى, دەپ حابارلايدى Egemen.kz
مەموراندۋمنىڭ نەگىزگى ماقساتى – «رۋحاني جاڭعىرۋ» باعدارلاماسىنىڭ ىسكە اسۋ قارقىنىن جانداندىرۋ, اياسىن كەڭەيتىپ, ۇلتتىق قۇندىلىقتارىمىزدىڭ دارىپتەلۋىنە ۇلەس قوسۋ.
اتالعان جيىندا قوس مەكەمە وقۋ, عىلىمي زەرتتەۋ, شىعارماشىلىق سالالارىن قامتىعان كوپتەگەن ۇسىنىستى تالقىدان وتكىزىپ, ولاردى بىرلەسە جۇزەگە اسىرۋعا ۋاعدالاستى.
ەسكە سالا كەتەيىك, تۇڭعىش پرەزيدەنت – ەلباسى نۇرسۇلتان نازارباەۆتىڭ باستاماسىمەن «رۋحاني جاڭعىرۋ» باعدارلاماسى ىسكە اسىرىلىپ جاتقانىنا بيىل ءتورت جىل تولىپ وتىر. «رۋحاني جاڭعىرۋ» العاشىندا ماقالا بولىپ شىققانىمەن, كەيىن باعدارلاما رەتىندە قابىلداندى. سول 2017 جىلدىڭ 26 ساۋىرىندە ونىڭ ىسكە اسۋىن ۇيلەستىرەتىن, قاداعالايتىن ورگان – پرەزيدەنت جانىنداعى ۇلتتىق كوميسسيا قۇرىلدى. كوميسسيا قازىرگى ۋاقىتقا دەيىن ءوزىنىڭ ءتيىستى فۋنكتسياسىن اتقارىپ كەلەدى.