اتىراۋ قالاسىنىڭ اكىمى قايرات ورازباەۆتىڭ مالىمەتىنە سۇيەنسەك, بىلتىر 9 907 جۇمىس ورنى اشىلىپتى.
قازىر مۇنايلى ءوڭىر ورتالىعىندا شاعىن جانە ورتا كاسىپكەرلىك سالاسىندا 40 488 نىسان جۇمىس ىستەپ تۇر.
«بىلتىر جۇمىسپەن قامتۋ ورتالىعىنا 14 مىڭنان استام ادام ءوتىنىش ءبىلدىردى. ونىڭ ىشىندە 8 259 ادام تۇراقتى جۇمىسقا ورنالاستى. ال, 920 جۇمىسسىز كاسىبي وقىتۋعا تارتىلىپ, 2 034 ادام ۋاقىتشا جۇمىستارعا قاتىسۋعا مۇمكىندىك الدى» دەيدى قايرات ورازباەۆ.
سونداي-اق كاسىپكەرلىك سالاسىندا بيزنەس يدەياسىن ىسكە اسىرۋ ءۇشىن 240 ادامعا 133,2 ملن تەڭگەنىڭ مەملەكەتتىك گرانتى بەرىلىپتى.